• Prentvæn útgáfa
• Tölvupóstfang

Nánar

Flokkur: Fréttir

Skrifað þann Laugardagur, ágúst 24 2024 08:08

Skrifað af Sonja

Fellahringurinn er hjólreiðakeppni sem er hluti af bæjarhátíðnni í Túninu Heima.  Keppnin í ár hefst kl 18 fimmtudagskvöldið 29 ágúst og stendur í um 2 klukkutíma.

Hjólað er um stíga og slóða umhverfis fellin í Mosfellsbæ. Boðið er upp á tvo mögulega hringi, litla 15km og stóra 30km. https://hri.is/vidburdur/539

Báðar leiðirnar fara inn á reiðvegi okkar Harðarmanna sem verður þess vegna lokað á meðan keppnin fer fram.  Hestamenn eru beðnir að forðast að vera á ferli á þessum vegum þetta kvöld á meðan keppnin stendur og sýna ítrustu tillitssemi séu þeir þarna á ferli.  Brautarskoðun fer að auki fram þriðjudaginn 27. ágúst en ekki verður neinum leiðum lokað.

Hér er mynd af leiðunum og hlekkur inn á þær:

https://www.strava.com/routes/9729777  Litli hringur

https://www.strava.com/routes/2862819023435245748  Stóri hringur

https://hordur.is/index.php/frettir/3456-hjolakeppni-25-8 

• Prentvæn útgáfa
• Tölvupóstfang

Nánar

Flokkur: Fréttir

Skrifað þann Miðvikudagur, ágúst 21 2024 09:52

Skrifað af Sonja

Ertu með áhuga á hestamennsku og vilt leggja þitt af mörkum til
félagsins?
Hestamannafélagið Hörður er að leita að nýju og kraftmiklu fólki til að taka þátt í spennandi nefndarstarfi.
Þetta er frábært tækifæri til að hafa áhrif á starfsemi félagsins, kynnast nýju fólki og þróa nýja hæfileika!Við leitum að fólki í eftirfarandi nefndir:
* Fræðslunefnd: Skipuleggur fræðsluviðburði og námskeið fyrir félagsmenn.
* Mótanefnd: Sér um undirbúning og framkvæmd móta félagsins.
* Æskulíðsnefnd: Stendur fyrir viðburðum og verkefnum fyrir ungt fólk.
* Umhverfis- og mannvirkjanefnd: Ber ábyrgð á aðstöðu og umhverfi félagsins.
* Árshátíðarnefnd: Skipuleggur félagslega viðburði og árshátíð félagsins.
* Fræðslunefnd fatlaðra: Tryggir að fræðsla og viðburðir séu aðgengilegir fyrir alla.
* Ferðanefnd: Skipuleggur og sér um ferðir og útivistarviðburði fyrir félagsmenn.

Af hverju að taka þátt?
* Þú færð tækifæri til að hafa áhrif á þróun félagsins.
* Það er frábært tækifæri til að kynnast nýju fólki og byggja upp sterkt tengslanet.
* Þú færð reynslu og þekkingu sem getur nýst þér í öðrum verkefnum.
* Það er tækifæri til að þróa leiðtogahæfileika og samskiptahæfni.
* Þú hjálpar til við að skapa betra umhverfi og tækifæri fyrir aðra félagsmenn.Ef þú hefur áhuga á að taka þátt eða vilt fá nánari upplýsingar, vinsamlegast sendu okkur línu á This email address is being protected from spambots. You need JavaScript enabled to view it. eða á heimsíðunni.  

Komdu með og leggðu þitt af mörkum til að gera Hestamannafélagið Hörð að enn betra félagi fyrir alla!

 https://hordur.is/index.php/frambod-i-innra-starf

• Prentvæn útgáfa
• Tölvupóstfang

Nánar

Flokkur: Fréttir

Skrifað þann Föstudagur, ágúst 16 2024 20:17

Skrifað af Sonja

Opnað hefur verið fyrir umsóknir í félagshesthús Harðar fyrir tímabilið 2024-2025.

Þetta er skemmtilegt tækifæri fyrir krakka sem eru á 12. til 16. ári á starfsárinu 2024 og eru með eigin hest (eða hest sem þau eru með í láni), til að komast inn í hestamennskuna og kynnast félagsstarfinu.

Í boði eru 10 pláss á þessu ári.

Félagshesthúsatímabilið er frá nóvember til loka maí og þátttakendur skuldbinda sig til þess að taka þátt allt tímabilið. Mánuðurinn kostar 28.000 kr.  Hægt er að nota frístundaávísun sem hluta greiðslu.

Meðlimir í félagshesthúsi fá hesthúsapláss (með spæni og heyi) í Blíðubakkahúsi og hjálp frá leiðbeinanda 1-2 í viku. Ef þörf er á meiri hjálp er hægt að semja um það við leiðbeinanda/umsjónarmann félagshesthúss. Leiðbeinandinn er til aðstoðar ef einhver vandamál koma upp, fer með krökkunum í reiðtúr ef þess þarf, sérstaklega í byrjun, svarar spurningum varðandi umhirðu hesta og er í raun og veru til staðar fyrir allt sem getur komið uppá.  Á tveggja vikna fresti verðum við með fræðsluerindi eða verklegan viðburð fyrir félagshesthúsafólkið (sírkustrix, hestanudd, hringteymingar, skipta faxi, skyndihjálp og svo framvegis, allt eftir óskum þátttakenda), farið í reiðtúr eða eitthvað annað skemmtilegt gert saman.

Skilyrði fyrir þátttöku í félagshesthúsi Harðar:

• Hesturinn sem verið er með þarf að vera amk 6 vetra og fulltaminn.
• Krakkarnir þurfa vera skráðir í Hestamannafélagið Hörð eða skrá sig þegarstarfið hefst.
• Hestarnir eru teknir á hús í byrjun nóvember og þeir eiga allir að vera komnir á hús fyrsta helgina við október . Stuttu eftir að hestarnir koma á hús verður framkvæmd heilbrigðisskoðun af yfirreiðkennara og leiðbeinanda félagshúss sem hestarnir þurfa að standast. Ef það eru einhvervafaatriði verður dýralæknir kallaður til.
• Hver og einn ber fulla ábyrgð á sínum hesti varðandi umhirðu, járningar osfrv. Hestarnir þurfa að vera orma- og lúsahreinsaðir,tannraspaðir (munnholsskoðun framkvæmd af dýralækni) og skaufahreinsaðir þegar þeir koma á hús.
• Í upphafi tímabils verður skrifað undir samning milli barns/unglings/forráðamanns og Harðar varðandi umgegni, framkomu og viðveru í félagshúsinu.
• Auk þess skulu þeir sem eru í félagshesthúsinu að nýta sér knapamerkjanámskeiðin sem eru í boði hestamannafélagsins. Ef einhver er búinn með öll knapamerkin þá er hægt að fara á annað námskeið á vegum hestamannafélagsins í staðinn eins og almenn reiðnámskeið barna, keppnisnámskeið o.s.frv.
• Athugið: Knapamerki 1 bóklegt byrjar strax í lok september fyrir þau sem hafa ekki lokið knapamerki 1.

Hér er hlekkur til að sækja um pláss, fyrstir koma fyrstir fá:

https://forms.gle/7myp3BxL7EjZMZSC9

Umsóknarfrestur er til  15.09.2024.

Öllum umskóknum verður svarað í síðasta lagi 22.09.2024

Ef einhverjar spurningar vakna má senda tölvupóst á

This email address is being protected from spambots. You need JavaScript enabled to view it.

• Prentvæn útgáfa
• Tölvupóstfang

Nánar

Flokkur: Fréttir

Skrifað þann Föstudagur, ágúst 16 2024 20:09

Skrifað af Sonja

Hestamannafélagið Hörður óskar eftir metnaðarfullum einstaklingi til að taka við umsjón á félagshesthúsi Harðar. Starfið er kjörið fyrir þá sem eru með mikla reynslu í hestum og hafa áhuga á að miðla þeirri þekkingu áfram til unga fólks, hafa þekkingu á námskeiðahaldi og færni í samskiptum. Um er að ræða hlutastarf greitt í tímavinnu og vinnutími er eftir samkomulagi.  Reiknað er með fastri viðveru 2 tíma á viku.  Ekki er um reiðkennslu að ræða.

Aldurstakmark er 20 ára.

Tímabilið er frá miðjum september til maí loka.

Helstu verkefni og ábyrgð:

- Umsjónaraðili sér um samskipti við þátttakendur félagshesthússins og aðstandendur þeirra

- Skipulag ýmissa viðburða í samstarfi við æskulýðsnefnd eins og hindrunarstökksnámskeið, ratleik, þrifadag og fleira.

- Hjálpa þáttakendum í félagshesthúsinu við allt tilfallandi í hesthúsinu. Allt frá að aðstoða við að fara í reiðtúr til að leiðbeina við skítmokstur, spónamagn og aðra umhirðu, meðferð reiðtygja og svo framvegis..

Áhugasamir hafi samband við Sonju í síma 8659651 eða á This email address is being protected from spambots. You need JavaScript enabled to view it. sem allra fyrst.