- Nánar
-
Flokkur: Fréttir
-
Skrifað þann Föstudagur, desember 27 2024 20:00
-
Skrifað af Sonja
Einstaklingsmiðað námskeið fyrir fullorðna sem stefna á þátttöku í keppni. Námskeiðið verður kennt einu sinni í viku á miðvikudögum frá 18:00-21:00 í formi einkatíma (30mín) og paratíma (60mín) en tímarnir fara bæði fram í Blíðubakka höllinni og Stóru höllinni. Eins verða haldnir nokkrir bóklegir tímar yfir tímabilið þar sem markmiðið er að fara yfir reglur í keppni, keppnisform og aðrar áherslur sem koma að góðum notum í keppni og þjálfun. Ath. Aðeins sex pláss laus á þetta námskeið.
Námskeiðið hefst 15.janúar og er átta skipti. Möguleiki á framhaldi ef áhugi er fyrir.
Kennari: Ylfa Guðrún Svafarsdóttir
Verð: 60.000
https://www.sportabler.com/shop/hfhordur
- Nánar
-
Flokkur: Fréttir
-
Skrifað þann Miðvikudagur, desember 25 2024 11:55
-
Skrifað af Sonja
Skráning hefst klukkan 17:00 laugardaginn 21.desember (Í dag) á endurmenntun reiðkennara með Mette Mannseth!
Námskeiðið er ætlað starfandi reiðkennurum og er markmiðið að stuðla að faglegri nálgun í reiðkennslu, auka samstöðu meðal reiðkennara og fá innblástur í mismunandi nálganir og aðferðir.
Námskeiðið er haldið í Hestamannafélaginu Herði Mosfellsbæ dagana 10.-12.janúar. Dagskráin hefst á föstudeginum klukkan 20:00 á fyrirlestri. Á laugardeginum og sunnudeginum stendur dagskrá frá 09:00-17:00 með hádegishléi þar sem boðið verður upp á að kaupa veitingar.
Boðið verður upp á að skrá sig sem áhorfandi en einnig sem knapi. Knapar sitja námskeiðið en mæta einnig í 1-2x reiðtíma með eigin hest þar sem ræddar eru kennsluaðferðir.
Námskeiðið gildir sem 20 einingar fyrir símenntun reiðkennara en þess má geta að reiðkennarar þurfa að taka 16 einingar á þriggja ára tímabili til að vera skráður á reiðkennaralista FEIF (FEIF MATRIX)
Verð fyrir að sitja námskeiðið: 20.000kr
Verð fyrir námskeið og einn reiðtíma: 27.500kr (6 pláss laus)
Verð fyrir námskeið og tvo reiðtíma: 35.000kr (4 pláss laus)
Markmiðið er að sjá mismunandi knapa, hesta og verkefni! Hvetjum alla reiðkennara til að skrá sig og taka þátt í þessari skemmtilegu helgi með okkur!
Skráning inn á https://www.abler.io/shop/hfhordur
- Nánar
-
Flokkur: Fréttir
-
Skrifað þann Föstudagur, desember 27 2024 19:32
-
Skrifað af Sonja
Kæru félagar.
Að venju verður farið ríðandi í Varmadal til Nonna og Haddýjar á gamlársdag,
skemmtileg hefð sem við höldum í heiðri.
Lagt verður af stað úr naflanum klukkan 12,
léttar veitingar á staðnum, allir velkomnir.
Kveðja,Stjórnin
- Nánar
-
Flokkur: Fréttir
-
Skrifað þann Sunnudagur, desember 15 2024 17:33
-
Skrifað af Sonja
Farið verður í gegnum nokkrar mismunandi útfærslur af vinnu við hendi. Vinna við hendi styrkir samband knapa og hests, eykur fjölbreytni í þjálfun, er liðkandi (fyrir bæði mann og hest) æfir stjórnun og samhæfingu og svo mætti lengi telja. Vinna við hendi er líka frábær undirbúningur fyrir það sem koma skal á baki.
Námskeiðið er sex skipti og hver tími er 45 mínútur.
Kennt aðra hverja viku á fimmtudögum í Blíðubakka höllinni og hefst 16.janúar.
Kennari verður Ingunn Birna Ingólfsdóttir en hún er útskrifaður þjálfari og reiðkennari frá Hólum og að auki með áralanga reynslu af tamningum og þjálfun.
Verð: 22.000kr
Skráning inn á https://www.abler.io/shop/hfhordur
- Nánar
-
Flokkur: Fréttir
-
Skrifað þann Miðvikudagur, desember 25 2024 21:45
-
Skrifað af Sonja
Kæru félagsmenn,
við hjá Herði viljum senda ykkur öllum innilegar jólakveðjur og bestu óskir um gleðilegt og farsælt nýtt ár!
Takk fyrir allar góðar stundir á árinu sem er að líða – hvort sem það var á hestbaki, í félagsstarfinu eða á viðburðum félagsins.
Við hlökkum til að sjá ykkur á nýju ári. Framundan er spennandi ár, vetrarstarfið er fullt af spennandi námskeiðum, viðburðum og mótum, þar sem allir ættu að finna eitthvað við sitt hæfi.
Njótið hátíðanna með fjölskyldu, vinum – og auðvitað hestunum.
Með jólakveðju,
Starfsmenn og stjórn Hestamannafélagsins Harðar
- Nánar
-
Flokkur: Fréttir
-
Skrifað þann Sunnudagur, desember 15 2024 17:31
-
Skrifað af Sonja
Frábært námskeið til að auka fjölbreytni í þjálfun og ná meiri tengslum við hestinn sinn í gegnum alls konar leiki og kúnstir!
Á þessu námskeiði er farið í ýmiskonar leiðtoga æfingar með hestinn. Nemendur læra að bera sig rétt og staðsetja sig. Læra að lesa í atferli hestsins og líkamsstöðu. Fá virðingu og fanga athygli hans. Fá hestinn rólegan, færanlegan og samstarfsfúsann. Unnið er með hestinn í hendi við snúrumúl og langan vað. Unnið er út frá hugmyndafræði Pat Parelli og Monty Roberts.
Námskeiðið er sex skipti (6 vikur) og möguleiki er á framhaldi ef áhugi er fyrir. Kennt er á þriðjudögum og kennsla hefst 28.janúar. Öll kennsla í stóru höll. Takmörkuð pláss í boði svo um að gera að vera fljótur að skrá sig!
Kennari: Ragnheiður Þorvaldsdóttir
Verð yngri flokkar (21 og undir): 11.500
Verð fullorðnir: 16.500
Skráning fer fram inn á https://www.abler.io/shop/hfhordur
