Undanþágubeiðni til sóttvarnaryfirvalda - hestamannafélög

Undanþágubeiðni til sóttvarnaryfirvalda - hestamannafélög

 

Sjá hér neðar afgreiðslu frá heilbrigðisráðuneytinu vegna óska um opnun reiðhalla.  

Líney Rut Halldórsdóttir Framkvæmdastjóri Íþrótta- og Ólympíusamband Íslands  

 

Sæl Líney

Ráðuneytið vísar til erindis þíns frá 19. nóvember 2020 þar sem óskað er eftir undanþágu fyrir hönd Landssambands hestamannafélaga frá ákvæði 5. mgr. 5. gr. reglugerðar nr. 1105/2020, um takmörkun á samkomum vegna farsóttar, þess efnis að reiðhallir geti verið opnar til notkunar að uppfylltum tilteknum skilyrðum.

Samkvæmt 5. mgr. 5. gr. reglugerðar nr. 1105/2020, um takmörkun á samkomum vegna farsóttar, eru íþróttir fullorðinna fæddra 2004 og fyrr, þar með taldar æfingar og keppnir, hvort sem er innan- eða utandyra, með eða án snertingar, eru óheimilar.

Einstaklingsbundnar æfingar fullorðinna fæddra 2004 og fyrr án snertingar eru heimilar, svo sem útihlaup og sambærileg hreyfing. Bent er á að skv. 6. mgr. 5. gr. reglugerðarinnar eru æfingar og íþróttastarf barna á leik- og grunnskólaaldri, inni og úti, með og án snertingar heimilar.

Ráðuneytið hefur veitt nokkrar undanþágur á grundvelli 3. mgr. 8. gr. reglugerðarinnar. Þær hafa verið háðar því annars vegar að um sé að ræða íþróttastarf fyrir einstaka viðburði, þ.e. alþjóðlegra viðburða annaðhvort hér á landi eða erlendis, sbr. 3. mgr. 8. gr., og að tilteknar upplýsingar liggi fyrir m.a. um æfingatíma, nafnalista afreksíþróttamanna og æfingastað.

Með vísan til jafnræðissjónarmiða sem og þess sem að framan er rakið er Landssambandi hestamannafélaga hafnað um umbeðna undanþágu til að hafa íþróttamannvirki opin til notkunar.

Upplýst er að nú þegar er hafin endurskoðun á gildandi reglugerð og er áætlað að ný taki gildi 2. desember 2020. Sjónarmið Landssambands hestamannafélaga sem og annarra sérsambanda ÍSÍ verða höfð til hliðsjónar við þá endurskoðun.

María Sæmundsdóttir,

lögfræðingur / Legal Advisor Heilbrigðisráðuneyti / Ministry of Health  

Uppfærðar sóttvarnarreglur fyrir hestaíþróttir  

 

Sóttvarnarreglur fyrir hestaíþróttir hafa veirð uppfærðar til samræmis við reglugerð sem gildir frá 18. nóvember til 1. desember. Sjá hér: https://www.lhhestar.is/is/covid  

„Á tímabilinu eru æfingar barna og ungmenna fæddum 2005 og síðar heimilar, keppni er þó ekki heimil meðan reglugerðin gildir. Æfingar og keppni eldri iðkenda (fæddum 2004 og fyrr) hvort sem er innan eða utandyra, með eða án snertingar, eru óheimilar.“  

Æfingar fullorðinna í reiðhöllum eru óheimilar og því ber að hafa félagsreiðhallir lokaðar fyrir almennri notkun. Skipulagðar æfingar barna á grunnskólaaldri eru heimilaðar.   

 

Berglind Karlsdóttir Framkvæmdastjóri Landssamband hestamannafélaga  

Reiðhöllin – Reiðmaðurinn 

Landbúnaðarháskólinn á Hvanneyri hefur undanþágu frá Menntamálaráðuneytinu um að námið sé á háskólastigi og því sé reiðhöllin sé kennslustofa fyrir nemendur skólans.

LBHI hefur verið með reiðhöll Harðar á leigu fyrir Reiðmanninn 2 og 3.  Aðrar reiðhallir víða um landið hafa einnig heimilað LBHI afnot af sínum reiðhöllum og LBHI mun bera ábyrgð á sóttvörnum meðan á námskeiðum þeirra stendur.

Stjórnin     

Einkatímapakki með Arnar Bjarki Sigurðarson - Haustnámskeið

Við vonum að í lok nóvember sé aftur hægt að vera með einkatíma og ætlum við að vera vongóð og stefna á námskeið :)
 
Arnar Bjarki er með Bsc gráðu frá Háskólanum á Hólum í reiðmennsku og reiðkennslu, var þjálfari U21 landsliðs LH og er einnig alþjóðlegur kynbótadómari, auk mikillar reynslu á sviði íþróttakeppna.
 
Einkatímar 5x30min
Dagsetningar (Þriðjudagar):
24.11.
1.12.
8.12.
15.12.
22.12.
 
Tímar verða milli 19-22 jafnvel eitthvað fyrr.
Verð: 30000isk
 
Skráning: í gegnum This email address is being protected from spambots. You need JavaScript enabled to view it.
 
ATH: Það þarf allavega 6 manns að við getum halda þennan námskeið.
119967918_4437240582983782_7022472311099214083_n.jpg

Landslið

Landssamband hestamannafélaga kynnti á dögunum nýtt A-landslið fullorðinna og U21.
Eigum við Harðarfélagar knapa í báðum hópum.

Aðalheiður Anna Guðjónsdóttir var valin í A-landsliðið og Benedikt Ólafsson í U21.

Óskum við þeim báðum til hamingju með árangurinn, glæsilegir fánaberar og stolt okkar Harðarmanna.

a.jpgb.jpg

Drög að stundaskrá eftir áramót

 
Kæra félagar,
mig langar að setja inn smá drög af stundaskrá fyrir Janúar / Febrúar enn þetta er ekki búin að festa þetta alveg.
Þetta er áætlun eins og staðan er í dag:

Mánudagar:
Knapamerki 1-3 (í heild sirka 5 hópar) - Ragnheiður og Odda
Almennt reiðnámskeið fullorðnir - Ragnheiður

Þriðjudagar:
Keppnisnámskeið æskulýðsnefndar og einkatimar eftir því - Arnar Bjarki
Pollar - Ragnheiður Blíðubakki

Miðvikudaga:
Ásetunámskeið og Grunnþjálfun ungra hesta - Fredrica
Opið höll kl 19-20
Knapamerki 3 - fullorðnir - Sonja

Fimmtudagar:
Opið höll kl 17-18
Almenn Reiðnámskeið fyrir Börn og Einkatimar - Robbi Pet

Föstudagar:
Almennt Töltnámskeið - Ragnheiður
Fimleikanámskeið Krakkar - Fredrica
Föstudagar eru mjög óreglulega (ca 1-2x á mánuði)

Svo er planað helgarnámskeið með fleiri kennaranum.
Besta kveðjur
Sonja

Reiðhöllin

FMOS hefur undanfarin ár verið með leigusamning um reiðhöll Harðar,  ½ höllina fyrir hádegi á virkum dögum.  Þar fer fram verklegi hluti Hestabrautarinnar.  Kennsla fer fram samkvæmt námsskrá og fellur því undir skólahald. Aðrar hestabrautir s.s. á Suðurlandi, Sauðárkróki og á Hólum fara fram í kennslustofum (reiðhöllum) og kennsla er undaskilin, enda gæta skólarnir sjálfir að og bera ábyrgð á sínum sóttvörnum.  Það er munur á skólahaldi samkvæmt námskrá og almennum námskeiðum þar sem félagsmenn þróa og bæta sína reiðmennsku eða æfa og þjálfa fyrir keppni. FMOS mun því hafa afnot af höllinni og bera ábyrgð á sínum sóttvörnum.  Að öðru leyti er reiðhöllin lokuð, eins og áður hefur veirð auglýst.

Stjórnin  

Reiðhöllin opnuð á ný fyrir félagsmenn  

Við ákvörðun um lokun reiðhallarinnar voru tilmæli sóttvarnarlæknis ofmetin.  Ekki var ástæða til að loka reiðhöllinni, en gæta skal vel að sóttvörnum.

Reiðhöllinni er því opin, en fjöldatakmörkun við 8 knapa hverju sinni. Það ætti ekki að vera vandamál á þessum árstíma. Á morgnana er FMOS með ½ höllina á leigu fyrir sína nemendur og og hafa því forgang með fjölda. Reiðmaðurinn hefur höllina á leigu einhverjar helgar, en samkvæmt pósti frá þeim í morgun gera þeir 2ja vikna hlé á sínum námskeiðum. Einnig biðjum við félagsmenn að fylgjast vel með því á dagtali reiðhallirnar, hvenær höllinn hefur verið leigð út.

Gætum að öllum snertiflötum, hugum að almannavörnum og beitum almennri skynsemi

 

Stjórnin