- Nánar
-
Flokkur: Fréttir
-
Skrifað þann Sunnudagur, september 07 2025 15:44
-
Skrifað af Sonja
Bóklegt Knapamerki Haust 2025!
Allt kennt í Harðarbóli
Skráning opnar: 8.september klukkan 16:00 inn á https://www.abler.io/shop/hfhordur
Próf fer fram í Harðarbóli 20.nóvember 17:00-20:00!
Ath. skilyrði fyrir að skrá sig í knapamerki 2, 3, 4 og 5 er að hafa lokið knapamerkinu á undan 
Markmið Knapamerkjanna
Að stuðla að auknum áhuga á reiðmennsku á íslenskum hestum og hestaíþróttum.
Að auðvelda aðgengi að skipulagðri og markvissri menntun í reiðmennsku og hestaíþróttum fyrir unga sem aldna.
Að bæta þekkingu á meðferð, notkun og umhirðu íslenska hestsins á breiðum grunni.
Knapamerki er mælt með fyrir knapa á 12 aldursári og upp úr
Knapamerki 1 (Miðvikudagar)
4x1,5klst
17:00-18:30
Október: 22., 29.
Nóvember: 5., 12.
Verð fullorðnir (>21): 11.000kr
Verð börn/unglingar/ungmenni (<21): 9.350kr
Kennari: Thelma Rut Davíðsdóttir
Knapinn ætti að öðlast þekkingu á eftirfarandi þáttum:
- Skilji grunnþætti í atferli, eðli og hegðun hesta
- Þekkja líkamsbyggingu og heiti á líkama hestsins
- Kunna skil á helstu öryggisatriðum er lúta að hestahaldi og búnaði fyrir hest og knapa
- Þekkja gangtegundir íslenska hestsins
- Þekkja helstu reiðtygi, notkun þeirra og umhirðu
- Þekki helstu ásetur og rétt taumhald
Knapamerki 2 (Miðvikudagar)
4x1,5klst
18:30-20:00
Október: 22., 29.
Nóvember: 5., 12.
Verð fullorðnir (>21): 11.000kr
Verð börn/unglingar/ungmenni (<21): 9.350kr
Kennari: Thelma Rut Davíðsdóttir
Knapinn ætti að öðlast þekkingu á eftirfarandi þáttum:
- Sögu íslenska hestsins
- Réttu viðhorfi til hestsins með tilliti til skaps hans og skynjunar
- Þekkja helstu ábendingar og notkun þeirra
- Vita hvernig á að ríða hestinum áfram og stoppa hann
- Þekkja reiðvöllinn og notkun hans
- Kunna skil á réttu taumhaldi og taumsambandi
- Þekkja grunnatriði sem gilda þegar unnið er við hönd
- Þekkja æfinguna “að kyssa ístöð”
- Þekkja einfaldar gangskiptingar
- Þekkja reglur sem gilda um útreiðar á víðavangi
Knapamerki 3 (Fimmtudagar)
6x1,5klst
17:30-19:00
Október: 9., 16., 23., 30.,
Nóvember: 6., 13.
Verð fullorðnir (>21): 16.000kr
Verð börn/unglingar/ungmenni (<21): 13.600kr
Kennari: Sonja Noack
Knapinn ætti að öðlast þekkingu á eftirfarandi þáttum:
- Þekkja vel allar gangtegundir íslenska hestsins
- Kunna skil á helstu þáttum er lúta að fóðrun hesta og umhirðu
- Þekkja rólegan hest frá spenntum
- Þekkja helstu þætti í byggingu hestsins og þvi hvernig hann hreyfir sig rétt
- Þekkja helstu þjálfunarstig og hugtök þeim tengd
- Þekkja einfaldar fimiæfingar og grundvallaratriði þeirra
- Vita hvað liggur til grundvallar gangtegundaþjálfun
- Vita hvernig á að undirbúa og ríða hesti yfir slár og hindranir
Knapamerki 4 (Mánudagar)
7x1,5klst
17:00-18:30
Október: 6., 13., 20. 27.
Nóvember: 3., 10., 17.
Verð fullorðnir (>21): 18.500kr
Verð börn/unglingar/ungmenni (<21): 15.700kr
Kennari: Thelma Rut Davíðsdóttir
Knapinn ætti að öðlast þekkingu á eftirfarandi þáttum:
- Markmiðssetningu og hugþjálfun
- Réttri líkamsbeitingu knapans og þjálfun hans
- Þekkja helstu staðreyndir er lúta að heilbrigði og heilsufari hesta
- Þekkja helstu staðreyndir er lúta að umhirðu fóta og járningum
- Þekkja vel mismunandi þjálfunarstig og hugtök þeim tengd
- Þekkja vel æfingar er lúta að því að bæta jafnvægi hestsins og skilja hvað liggur þeim til grundvallar
- Þekkja grundvallaratriði hringteyminga og teyminga á hesti
Knapamerki 5 (Mánudagar)
7x1,5klst
18:30-20:00
Október: 6., 13., 20. 27.
Nóvember: 3., 10., 17.
Verð fullorðnir (>21): 18.500kr
Verð börn/unglingar/ungmenni (<21): 15.700kr
Kennari: Thelma Rut Davíðsdóttir
Knapinn ætti að öðlast þekkingu á eftirfarandi þáttum:
- Þekkja grunn í sögu reiðmennsku og þróun fram á daginn í dag
- Kunna skil á helstu þáttum þjálfunarlífeðlisfræði og þjálfunar hesta
- Skilja hvað liggur til grundvallar æfingunum opnum sniðgangi og að láta hestinn ganga aftur á bak
- Þekkja mjög vel gangtegundir íslenska hestsins og hvað liggur til grundvallar þjálfunar þeirra
- Þekkja og skilja virkni íslenskra stangaméla
- Þekkja helstu stofnanir og félagskerfi íslenskrar hestamennsku
- Nánar
-
Flokkur: Fréttir
-
Skrifað þann Sunnudagur, september 07 2025 15:33
-
Skrifað af Sonja
Opið er fyrir umsóknir í félagshesthús Harðar fyrir tímabilið 2025-2026.
Ekki er skilyrði að hesthúspláss sé leigt á ákveðnum stað,
heldur verður niðurgreitt pláss þar sem viðkomandi kýs að vera.
Þetta er skemmtilegt tækifæri fyrir krakka sem eru á 12. til 16.
ári á starfsárinu 2025 og eru með eigin hest (eða hest sem þau eru
með í láni), til að komast inn í hestamennskuna og kynnast
félagsstarfinu.
Í boði eru 10 pláss á þessu ári.
Félagshesthúsatímabilið er frá des/jan til loka maí - félagið
greiðir niður hesthúsaplássið fyrir börn 12.-16.ára um 18.000 á
mánuði.
Meðlimir í félagshesthúsi fá aðgang að hjálp frá leiðbeinanda
1-2 sinnum í viku. Ef þörf er á meiri hjálp er hægt að semja um
það við leiðbeinanda/umsjónarmann félagshesthúss. Leiðbeinandinn
er til aðstoðar ef einhver vandamál koma upp, fer með krökkunum í
reiðtúr ef þess þarf, sérstaklega í byrjun, svarar spurningum
varðandi umhirðu hesta og er í raun og veru til staðar fyrir allt
sem getur komið uppá. Meðlimir skulu taka virkan þátt í starfi og
viðburðum æskulýðsnefndar og sækja námskeið.
Skilyrði fyrir þátttöku í félagshesthúsi Harðar:
Krakkarnir þurfa vera skráðir í Hestamannafélagið Hörð eða
skrá sig þegar starfið hefst.
Stuttu eftir að hestarnir koma á hús verður framkvæmd
heilbrigðisskoðun af yfirreiðkennara og leiðbeinanda félagshúss
sem hestarnir þurfa að standast. Ef það eru einhver vafaatriði
verður dýralæknir kallaður til.
Hver og einn ber fulla ábyrgð á sínum hesti varðandi umhirðu,
járningar osfrv. Hestarnir þurfa að vera orma- og lúsahreinsaðir,
tannraspaðir (munnholsskoðun framkvæmd af dýralækni) og
skaufahreinsaðir þegar þeir koma á hús.
Í upphafi tímabils verður skrifað undir samning milli barns/unglings/forráðamanns og Harðar varðandi umgengnii, framkomu og viðveru í verkefninu.
Auk þess hvetjum við alla að nýta sér knapamerkjanámskeiðin sem
eru í boði hestamannafélagsins.
Hér er hlekkur til að sækja um pláss, fyrstir koma fyrstir fá:
https://forms.gle/duaMMPNcJynBYi8t8
- Nánar
-
Flokkur: Fréttir
-
Skrifað þann Þriðjudagur, ágúst 19 2025 09:33
-
Skrifað af Sonja
Stjórn Harðar hefur sett upp nýjar reglur um kerrustæðin. Félagsmenn eru hvattir til að kynna sér reglurnar vel, ekki síst þeir sem hafa stæði á leigu eða hafa hug á að fá slíkt.
Í september verður lokið við að fara yfir stæðin, gera uppfærðan lista yfir leigjendur og úthluta stæðum sem eru laus. Jafnframt verða gerðir samningar í samræmi við reglurnar.
https://hordur.is/index.php/felagid/hestakerrustaedi
- Nánar
-
Flokkur: Fréttir
-
Skrifað þann Miðvikudagur, ágúst 27 2025 20:04
-
Skrifað af Sonja
Hjólakeppni á morgun 28.ágúst!!
Kl 18.00-20:00
Fengum viðkomandi tilkynningu:
Þá er komið Fellahringnum sem er hluti af Í Túninu Heima og að venju verður hjólað um Skammadal, upp með Köldukvísl upp að Skeggjastöðum. Niður með Leirvogsá og gegnum Varmadal og síðan uppfyrir iðnaðarsvæðið við Tungumela og það niður að Varmá.
Með von um tillit sé tekið til hjólreiðarmanna í þessa rúmlega tvo klukkutíma.
- Nánar
-
Flokkur: Fréttir
-
Skrifað þann Mánudagur, júní 16 2025 21:26
-
Skrifað af Sonja
Skráning er hafin í opnar greinar á Fjórðungsmót Vesturlands 2025.
Fjórðungsmót Vesturlands fer fram dagana 2. - 6. júlí í Borgarnesi og er nú búið að opna fyrir skráningar í opnar greinar og hvetjum við áhugasama knapa til að tryggja sér þátttöku.
Þær opnar greinar sem eru í boði:
Tölt T1
Tölt T3
Tölt T3 U17
P2 100 m Flugskeið
Skráning fer fram í gegnum Sportfeng og er skráningarfrestur og þar að leiðandi seinasti dagur til að greiða skráningu miðnætti 27. júní nákvæmlega.
Athugið að fjöldi keppenda í hverri grein er takmarkaður svo fyrstur kemur fyrstur fær!
Komum saman og fögnum íslenska hestinum á Fjórðungsmóti í Borgarnesi !
Að þessu sinni er námskeiðið í boði fyrir krakka í yngri flokkum, 21 og yngri. Skipt verður í hópa eftir fjölda!
Pilates fyrir knapa – Tveggja helga námskeið
Kennt helgarnar 4. – 5. Október & 8.- 9. Nóvember
Í félagsheimilinu og reiðhöllinni hjá Herði mosfellsbæ ásamt Eldrún pilates studio í skipholti 50b
Byggðu upp betri samskipti, ásetu og ánægjulegra samband við hestinn þinn!
