Fréttir

Sleppa á beit

Nánar: Flokkur: Fréttir; Skrifað þann Þriðjudagur, júní 09 2026 11:25; Skrifað af Sonja

Heimilt er að sleppa hrossum í beitarhólf á vegum félagsins föstudaginn 12. júní næstkomandi.
Notendur beitarhólfa skulu gæta að því að fara varlega með hólf þar sem spretta er skammt á veg komin, ekki randbeita til dæmis, taka hross inn hluta sólarhrings eða jafnvel gefa hey með.
Það er nokkuð misjafnt ástand á hólfum og mikilvægt að meta í hverju tilfelli.
Það er Mosfellsbær sem ákveður hvenær má sleppa hrossum á beit, það miðast við að sem flest hólf séu orðin vel hæf til beitar. Það er svo lagt í hendur beitarhafa að meta ástand einstakra hólfa og að hver og einn sýni skynsemi og fari vel með hólf sem viðkomandi hefur til umráða.

Allir gæta þess nú sem áður að hafa nóg rafmagn á girðingum enda er það eitt af skilyrðum þess að fá úthlutað beit.

Vaktaplanið varðandi að fanga laus hross er líka komið í gildi, því sinna þeir sem fá beit og það er annað skilyrði þess að fá beit.

Vaktaplanið er sett inn á Harðarfólk hópinn, skilað til lögreglu og Mosfellsbæjar.

Eigendur stóðhesta á félagssvæði Harðar athugið!

Nánar: Flokkur: Fréttir; Skrifað þann Þriðjudagur, júní 09 2026 09:28; Skrifað af Sonja

Stjórn félagsins hafa borist ítrekað kvartanir yfir tillitsleysi þeirra sem halda stóðhesta á svæðinu varðandi veru þeirra í gerðum á milli húsa. Það sé ónæði af þeim og erfitt að setja önnur hross út á meðan stóðhestar eru í gerðum, jafnvel eftirlitslausir tímum saman. Þetta er á sérstaklega við á vordögum þegar stóðhestar fara gjarnan að láta ófriðlega.

Stjórn beinir þeim tilmælum til þeirra sem málið varðar að huga að stóðhestum sínum þannig að þeir valdi ekki öðrum ónæði og hafa samráð við nágranna vegna viðrunar þessara hesta. Það er almenn tillitssemi sem er okkur öllum nauðsynleg í samfélagi á Harðarsvæðinu.

Með von um góð viðbrögð,

Stjórn Harðar.

Gæðingamót Harðar 2026 og seinni úrtaka fyrir Landsmót - 12-14 Júní.

Nánar: Flokkur: Fréttir; Skrifað þann Föstudagur, júní 05 2026 20:22; Skrifað af Sonja

Gæðingamót Harðar 2026 sem er um leið úrtaka fyrir Landsmót verður haldið helgina 12-14 Júní.

Hörður sendir fyrir sína hönd 6 hesta í hverjum flokk og 3 hesta í áhugamannaflokk og A-flokk ungmenna.

Aðeins er tekið við skráningum hesta í eigu skuldlausra félagsmanna.

Keppt verður í.

-A flokk

- B flokk

- B flokk áhugamanna

- A flokk ungmenna

- Ungmennaflokk

- Unglingaflokk

- Barnaflokk

Á mótinu verður einnig keppt í

- Gæðingaflokkur 2 A flokkur (áhugamenn)

- Gæðingatölt Fullorðinsflokkur 17 ára +

- Gæðingatölt Unglingaflokkur yngri en 17 ára

- Pollaflokkur (skráning á messenger Mótanefndar Harðar)

Einnig verður glæsilegasta par Harðar valið þar að segja hestur og knapi til að hljóta þau verðlaun þarf knapi að keppa í félagsbúning Harðar og á hrossi í eigu Harðarfélaga.

Skráningar fara í gegnum Sportfeng.

Skráningu byrjar 29.05. og lýkur sunnudagskvöldið 07.06 kl 24.

Einungis verður tekið við afskráningum í gegnum messenger á facebook síðu mótanefndar Harðar.

Unghrossakeppni Harðar er ein vinsælasta greinin á hverju vori hjá Harðarfélögum en þar etja kappi 4 og 5 vetra unghross (fædd 2021 og 2022) (skráning á messenger Mótanefndar Harðar)

-Nafn á hrossi

-Aldur

-Knapi

-Eigandi / Ræktandi

-Litur

-Foreldrar

-Smá lýsing á hrossi (ekki nauðsynlegt)

Skráning á sportfengur.com

Fyrri úrtaka Harðar

Nánar: Flokkur: Fréttir; Skrifað þann Föstudagur, júní 05 2026 20:21; Skrifað af Sonja

Fyrri úrtaka Harðar fer fram Þriðjudaginn 09. Júní og Miðvikudaginn 10. Júní hún gildir inná Landsmót en ekki í úrslit.

Hörður sendir fyrir sína hönd 6 hesta í hverjum flokk (nema áhugamannaflokk og A-flokk ungmenna: 3 hesta).

Aðeins er tekið við skráningum hesta í eigu skuldlausra félagsmanna.

Keppt verður í:

-A flokk

-B flokk

-B flokk áhugamanna

- A flokk ungmenna

- Ungmennaflokk

- Unglingaflokk

- Barnaflokk

Skráningar fara í gegnum Sportfengur.com

Skráningu lýkur sunnudagskvöldið 07.06 kl. 24

Einungis verður tekið við afskráningum í gegnum messenger á Facebook síðu Mótanefndar Harðar.

Drög af dagskrá:

09.06.26: Barnaflokkur, Unglingaflokkur og Áhugamannaflokkur

10.06.26: Ungmennaflokkur, A-Flokkur Ungmenna, B-Flokkur og A-Flokkur

Skráning í sportfengur.com

Reiðmaðurinn I í Mosfellsbæ

Nánar: Flokkur: Fréttir; Skrifað þann Þriðjudagur, maí 12 2026 21:34; Skrifað af Sonja

Snorri Dal reiðkennari mun kenna reiðmaðurinn I í Mosfellsbæ í
vetur. Snorri er menntaður reiðkennari frá Háskólinn á Hólum og
hefur starfað við hestamennsku til fjölda ára. Hann hefur um
árabili rekið hestatengt fyrirtæki með fjölskyldu sinni hjá
Hestamannafélaginu Sörla í Hafnafirði og býr yfir víðtækri
reynslu sem hann nýtir markvisst í kennslunni.
Snorri á einnig að baki farsælan feril á keppnisbrautinni. Þar má
meðal má nefna sigur í B-flokki og 150 metra skeiði á Landsmót
hestamanna, tvo Íslandsmeistaratitla í fjórgangi V1 og þátttöku í
úrslitum á bæði heimsmeistara- og Norðurlandamóti._

„Farðu í Reiðmanninn - þú sérð aldrei eftir því."__
Sigurður Ingi Bjarnason var í reiðmannshóp hjá Snorra Dal
síðastliðin vetur. Sigurður og Birna voru fengin í viðtal í
Mannlega þáttinn á Rás 1 þar sem Sigurður lýsti reynslu sinni af
náminu.

Sterkur grunnur fyrir alla knapa

Sigurður segir að námið höfði ekki aðeins til þeirra sem hafi
langa reynslu.
_„Það snýst ekki endilega um hvort maður hafi mikinn grunn eða
sé bara venjulegur reiðmaður," segir hann og bendir á að skipulag
og utanumhald námsins skipti miklu máli.
„Þú temur sjálfan þig sem knapa"_Hann kemur inn á að nemandinn sé í raun að vinna með sjálfan sig
sem knapa.

_„Þú mætir ekki þarna til að temja hestinn - þú mætir til að
temja sjálfan þig sem knapa," segir hann.__ _Skipulag, utanumhald og markviss framvindaHann lýsir náminu sem vel uppbyggðu og markvissu.

_„Það sem er svo gott við Reiðmanninn er þetta skipulagða
utanumhald. Maður fylgir námskrá, vinnur verkefni og fer í
stöðumat," segir Sigurður.__ _Fræðsla, reynsla og dýpri skilningurAð hans mati skiptir fræðslan og kennslan í hestamennsku einnig
miklu máli.

_„Það er mikilvægt að þeir sem kunna lítið í umhirðu hesta
fari í nám eða fái kennslu. Það er betra fyrir alla - bæði fólk
og hesta," segir hann._Fjölbreytt nám og sterkt samfélag.Sigurður segir jafnframt að námið sé bæði skemmtilegt og
félagslega gefandi.

„Það myndast sterk tengsl í hópnum og úr verður ákveðin
liðsheild," segir hann.Að lokum hvetur hann áhugasama til að slá til:

_„Farðu í Reiðmanninn - þú sérð aldrei eftir því."
Sigurður og Guðný Katla Guðmundsdóttir unnusta hans hafa stundað
reiðmannsnámið saman undanfarin ár. Katla eins og hún er oftast
kölluð hlaut hæstu samanlagða einkunn í 2. flokk á hesti sínum
Mansa frá Reykjanesi á nýafstöðnu reiðmannsmóti sem haldið var
í glæsilegri aðstöðu Landbúnaðarháskólans á Mið-Fossum í
Borgarfirði. Þau voru bæði að ljúka þriðja árinu í
reiðmannsnáminu, sá hluti námsins einstaklingsmiðaður og lýkur
einmitt með þátttöku á reiðmannsmótinu. Sigurður og Katla
stóðu sig bæði með sóma og komust bæði í úrslit á mótinu.