Nánar

Skrifað þann Mánudagur, febrúar 23 2026 08:53

Skrifað af Sonja

Keppni í gæðingalist Meistaradeildar æskunnar verður haldin í Herði sunnudaginn 8.3.

Hvert lið fær 1 klukkutíma aðgang í alla höllina (höllin lokuð á meðan) til æfinga fyrir mótið.

Einnig verður Meistaradeild Ungmenna í höllinni okkar, föstudaginn 13.3. Þar er fyrirkomulagið eins, hvert lið fæ 1klst fyrir sig inni höllinni og höllinn lokuð á meðan.

Nú erum við búin að bóka langflest alla þessa tíma og því biðjum við alla að skoða vel dagatal reiðhallirnar á hordur.is. Fjólublái liturinn stendur fyrir að höllinn sé alveg lokuð.

Flestir tímar verða um kvöldin og byrjar þetta núna á laugardagskvöldið.

Mjög spennandi að fá þessu flott mót hingað í höllina okkar og vonum við að se flesta nýta sér þetta og mæta og horfa á.

Eigið góðan dag!

https://www.mdeild.is/dagskrain

Meistaradeild TopReiter og Ungmenna verður haldin í sjötta sinn | Eidfaxi.is

Nánar

Skrifað þann Mánudagur, febrúar 23 2026 08:52

Skrifað af Sonja

Miðvikudaginn 4.mars og fimmtudaginn 5.mars
Miðvikudaginn 18.mars og fimmtudaginn 19.mars

Á miðvikudögum eru tímar frá 8:30-15:30
Á fimmtudögum er kennt frá 12:30-15:30

Tona þarf vart að kynna en hann kenndi við Hólaskóla í fjölda mörg ár auk þess að sinna reiðkennslu víða um heim og rækta hross.
Anton Páll hefur verið einn af þjálfurum íslenska landsliðsins í hestaíþróttum sem og nokkrum erlendum landsliðum, t.d. því sænska og austurríska.
Anton Páll er þekktur fyrir einfalda, hreinskilna, hestvæna og mjög árangursríka nálgun í reiðkennslu sinni.
Tímarnir eru 45 mínútna einkatímar sniðnir að hverjum og einum knapa og eru kenndir í reiðhöll Harðar.
Takmarkaður fjöldi plássa í boði svo um að gera að vera fljótur að skrá sig!

Skráning hefst sunnudaginn 22.febrúar klukkan 20:00 á abler.io/shop/hfhordur
Aldurstakmark: 12 ára og eldri
Verð einn tími: 17.500

Nánar

Skrifað þann Föstudagur, febrúar 20 2026 09:41

Skrifað af Sonja

Helgina 28.febrúar-1.mars verður haldið helgarnámskeið í gæðingalist með Fredricu Fagerlund.
Farið verður á persónumiðaðan hátt yfir ýmis atriði sem hvað varðar þjálfun fyrir keppni í gæðingalist!

Sjálf er Fredrica engin nýliði þegar kemur að greininni og hefur keppt í henni með góðum árangri! Námskeiðið hentar öllum sem hafa áhuga á að byggja sinn hest upp á kerfisbundin hátt í gegnum fjölbreyttar æfingar og flæði hvort sem það er stefnt á þátttöku í keppni eða til að bæta sinn reiðhest.

Inn í námskeiðinu eru tveir 45 mínútna einkatímar á sunnudegi og laugardegi. Einungis 9 pláss eru laus á þetta námskeið og því um að gera að hafa hraðar hendur!

Skráning opnar sunnudaginn 15.febrúar klukkan 20:00 inn á abler.io/shop/hfhordur.  Skráning lokar á miðnætti miðvikudaginn 25.febrúar.

Aldurstakmark á þetta námskeið miðast við 12 ára á árinu.

Verð: 19.500kr

Nánar

Skrifað þann Fimmtudagur, febrúar 12 2026 12:01

Skrifað af Sonja

Stjórn Harðar hefur ákveðið að rýmka til prufu reglur um leigu á hálfri reiðhöll til einkakennslu.

Um er að ræða leigu um helgar þar sem boðið verður nú upp á að leigja höllina fyrir klukkan 12  annarsvegar og eftir klukkan 18 hins vegar.  Var áður fyrir klukkan 9 og eftir 18.

Enn verður í boði að leigja hálfa höll virka daga fyrir klukkan 14.

Hafa skal í huga að allir viðburðir á vegum félagsins og námskeiðahald hefur algeran forgang og leiga til einstaklinga og kennara er gerð með þeim formerkjum að viðkomandi gætu þurft að víkja komi upp sú staða fyrirvaralítið.

Sjá hér gjaldskrá og uppfærða tíma fyrir leigu  https://hordur.is/index.php/felagid/gjaldskra