Nánar

Skrifað þann Mánudagur, janúar 06 2025 12:16

Skrifað af Sonja

Pollar minna, meira eða mikið vanir

Almennt reiðnámskeið fyrir polla þar sem markmiðið er að bæta jafnvægi og grunnstjórnun í gegnum ýmsa leiki og þrautir. Hjá minna vönum pollum sem eru að stíga sín fyrstu skref í hestamennsku eru foreldrar með og teyma undir börnunum. Hjá meira vönu pollunum er markmiðið að fara dýpra samspil hests og knapa og ná meiri tökum á undirstöðu atriðum í reiðmennsku í gegnum ýmsar skemmtilegar æfingar. Mikið vanir er ætlað pollum sem hafa komið oft á námskeið áður (Búið að hafa samband við þá foreldra). Námskeiðið er sex skipti og er kennt annað hvort í Blíðubakkahöll eða Stóru höll. Kennt er einu sinni í viku á miðvikudögum og krakkar mæta með eigin hest og búnað.

Námskeiðið hefst 29.janúar og er hver tími 30 mínútur.

Kennari: Thelma Rut Davíðsdóttir

Verð: 5000

Börn minna eða meira vön

Námskeið fyrir áhugasama krakka sem vilja öðlast meira jafnvægi, skilning og þekkingu á almennri þjálfun hesta. Farið verður yfir ýmis öryggisatriði og umgengni við hestinn, hvernig á að ná betri stjórn og samspili við hestinn og lögð áhersla á yfirvegaðar og léttar ábendingar. Í lok þessa námskeiðs ættu nemendur að vera komnir með grunnskilning í reiðmennsku, þekkja helstu gangtegundir og hvernig þjálfun getur verið skemmtileg bæði fyrir hest og knapa. Námskeiðið er sex skipti og kennt á miðvikudögum, skipt verður í hópa eftir fjölda. Kennt verður í Stóru höllinni og Blíðubakkahöllinni og nemendur mæta með eigin hest og búnað.

Námskeiðið hefst 29.janúar og er hver tími 30 mínútur.

Kennari: Thelma Rut Davíðsdóttir

Verð: 12.000

Skráning inn á https://www.abler.io/shop/hfhordur

Nánar

Skrifað þann Mánudagur, janúar 06 2025 11:10

Skrifað af Sonja

Kæra félagsmenn

Nú er komin ný flís í reiðhöll enn þurfa frosna kubbana enn smá tíma til að jafna sig út, enn þetta kemur!

Endilega munið að taka skít strax þegar verið er að þjálfa inni reiðhöll og gangi vel um!

Nú er heldur betur búin að bætast við hesta og fólk inni hverfi, enda kominn af stað aðaltímabil vetrarsins!

Viljum við bara minna á að tala saman og vera kurteis, sýna tillitsemina og hjálpast að

Reikningar fyrir reiðhöll eru farin út á þá alla flesta (í gegnum sportabler - kemur greiðsluseðill frá greiðslumiðlun). Viljum minna á að allir þurfa sinn eigin lykill og má ekki lána lykla! Börn til og með 13ára fá frían aðgang enn þurfa fylgd fullorðna.

Félagsgjöld eru komnar inni a og abler biðjum við ALLA félagsmennn að fara inni markaðstorg í abler appið og undir Hestamannafélag Hörður er hægt að skrá og borga félagsgjald 2025.

Takk fyrir og njótið hestana ykkar!

Kv

Sonja

Starfsmaður

Nánar

Skrifað þann Föstudagur, janúar 03 2025 12:20

Skrifað af Sonja

Nánar

Skrifað þann Fimmtudagur, janúar 02 2025 22:03

Skrifað af Sonja

Einkatímar með reiðkennaranum Antoni Páli Níelssyni fimmtudaginn 23.jan og fimmtudaginn 30.jan!

Tona þarf vart að kynna en hann kenndi við Hólaskóla í fjölda mörg ár auk þess að sinna reiðkennslu víða um heim og rækta hross. Anton Páll hefur verið einn af þjálfurum íslenska landsliðsins í hestaíþróttum sem og nokkrum erlendum landsliðum, t.d. því sænska og austurríska. Anton Páll er þekktur fyrir einfalda, hreinskilna, hestvæna og mjög árangursríka nálgun í reiðkennslu sinni.

Tímarnir eru 45 mínútna einkatímar sniðnir að hverjum og einum knapa og eru kenndir í reiðhöll Harðar frá 8:30-15:30. Námskeiðið er hugsað fyrir knapa sem stefna á keppni. Takmarkaður fjöldi plássa í boði svo um að gera að vera fljótur að skrá sig!

Stefnt er á að hann komi svo tvisvar í mánuði í vetur í framhaldinu en skráning fyrir hverja tíma verða auglýstir síðar.

Skráning hefst sunnudaginn 05.janúar klukkan 20:00.

Verð: 17.500 kr fyrir einn tíma, 35.000kr fyrir tvo tíma.

Skráning inn á https://www.abler.io/shop/hfhordur