Fréttir

Gamlársreið aflýst

Nánar: Flokkur: Fréttir; Skrifað þann Þriðjudagur, desember 28 2021 16:32; Skrifað af Sonja

Kæru félagar.

Í ljósi covid aðstæðna í samfélaginu er okkur nauðugur sá kostur að aflýsa áður auglýstri gamlársdagsreið í Varmadal.

Bestu óskir um gleði og gæfu á nýju ári.

Ný reglugerð um takmarkanir á samkomum

Nánar: Flokkur: Fréttir; Skrifað þann Fimmtudagur, desember 23 2021 08:50; Skrifað af Sonja

Ný reglugerð tekur gildi þann 23. desember (isi.is)

Jóla- og nýárskveðjur

Nánar: Flokkur: Fréttir; Skrifað þann Fimmtudagur, desember 23 2021 17:03; Skrifað af Sonja

Kæru félagar.

Stjórn og starfsmenn Harðar óska ykkur öllum og fjölskyldum ykkar gleði og friðar á jólum og gleðilegs nýs árs. Þökkum allt það liðna og hlökkum til að takast saman á við skemmtileg verkefni næsta árs. Við hestamenn njótum mikilla forréttinda að geta stundað okkar íþrótt að mestu leiti óheft í því ástandi sem nú ríkir. Fyrir það erum við þakklát, munum að taka tillit hvert til annars, vera góð, standa saman og hafa gaman

Íþróttafólk Harðar 2021 og tilnefningar til íþróttafólks Mosfellsbæjar

Nánar: Flokkur: Fréttir; Skrifað þann Miðvikudagur, desember 22 2021 17:12; Skrifað af Sonja

Aðalheiður Anna Guðjónsdóttir er fædd 1989 og hefur verið í hestamannafélaginu Herði alla tíð.

Árið 2021 var mjög gott hjá henni og átti hún góðu gengi að fagna á bæði keppnis- og kynbótabrautinni. Hún á sæti í landsliði Íslands í hestaíþróttum og var í toppsætunum á öllum þeim mótum sem hún keppti á 2021. Hún var auk þess tilnefnd til kynbóta-, íþróttaknapa og knapa ársins á uppskeruhátíð landssambands hestamanna.

Aðalheiður sýndi 30 hross í 1. Verðlaun á árinu og á meðal þeirra var hæst dæmda 6 vetra hryssa ársins 2021.

Benedikt Ólafsson er 18 ára gamall og stoltur Harðafélagi frá unga aldri.

Hann varð á Íslandsmóti 2021 sem haldið var á Hólum í Hjaltadal íslandsmeistari í gæðingaskeiði og var einnig á verðlaunapalli í fjórgangi, tölti og slaktaumatölti á því móti. Benedikt vann einnig gæðingaskeiðið á Reykjavíkurmeistaramótinu og var þar að auki á verðlaunapalli í fjórgangi, tölti og slaktaumatölti. Auk þess vann hann til verðlauna á öllum öðrum mótum sem hann tók þátt í árið 2021. Hann valinn í U-21 landsliðs hóp Íslands í hestaíþróttum nýlega og var jafnframt tilnefndur sem efnilegasti knapi ársins á uppskeruhátíð landssambands hestamanna.

Benedikt eyðir öllum frítíma í hesthúsinu, þar líður honum best, hann sækir reiðkennslu í hverri viku.

Almennt reiðnámskeið – Fullorðnir

Nánar: Flokkur: Fréttir; Skrifað þann Fimmtudagur, desember 23 2021 10:03; Skrifað af Sonja

FULLBÓKAÐ

Skemmtilegt námskeið fyrir alla sem vilja bæta ásetu, stjórnun og gangtegundir. Farið verður í vinnu við hendi, samspil ábendinga, fimiæfingar og þjálfun gangtegunda.

Knapar mæta með eigin hest og búnað.

Kennari: Ragnheiður Þorvaldsdóttir

Kennt verður í 6 skipti á mánudögum kl 18:00

4 pláss

Dagsetningar 2022:

24jan / 31jan / 7feb / 14feb / 21feb / 28feb

Verð: 19 000 kr

Skráning opnar 23.12. (í dag) kl 12:00 hér:

https://www.sportabler.com/shop/hfhordur

Bókin hennar Súsönnu - Heillaðu hestinn

Nánar: Flokkur: Fréttir; Skrifað þann Þriðjudagur, desember 21 2021 17:48; Skrifað af Sonja

Kæru félagar.

Hún Súsanna Sand okkar var að gefa út bókina Heillaðu hestinn. Býður hún okkur Harðarfélögum að kaupa hana með afslætti á 5200 kr og fá hana áritaða í anddyri reiðhallarinnar á morgun, miðvikudaginn 22. desember milli klukkan 18 og 19.

Vonandi sjá sem flestir sér fært að hitta á Súsönnu og eignast þessa fallegu bók.