Almennu námskeiðunum er nú lokið og boðið er uppá framhald af öllum námskeiðum en þau eru ; pollar, krakkanámskeið óvanir, vanir og mikið vanir, og almennt reiðnámskeið fyrir 12 ára og eldri. Þau sem ætla að fara á framhald skrái sig hér á síðunni undir námskeið, skráning.
Æskulýðsnefndin 
Æskulýðsnefnd LH minnir áhugasama á að skila inn umsóknum á Youth Cup sem verður haldið 10.- 18. júlí nk. Mótið er haldið í Kalo í Damörku. Útvegaðir verða hestar ef óskað er. Skilyrði fyrir þátttöku: Reynsla í hestamennsku, enskukunnátta, keppnisreynsla í íþróttakeppni, sjálfstæði, geta unnið í hóp og reglusemi.
Hin glæsilega sýning Æskan og hesturinn verður helgina 13-14 mars næstkomandi og verður þáttaka Harðar með sama sniði og undanfarin ár.
Pollareiðin er fyrir alla krakka til tíu ára aldurs. Þar eru krakkarnir í grímubúningum og sem gefur sýningunni skemmtilegt yfirbragð. Þau ríða hring í höllinni, og ýmist er pollar teymdir eða þau sem ríða sjálf.
Síðan er það sameiginlegt atriði allra félagana fyrir krakka á aldrinum 10 til 12 ára. Þar ríða þau eftir fyrirfram æfðu prógrammi.
Einnig verðum við með félagsatriði og fánareið. Hvetjum við alla harðarkrakka til að taka þátt því við eigum svo mikið af öflugum og flottum krökkum sem við erum svo stolt af.
Skráning á sýninguna sendist á mailið This email address is being protected from spambots. You need JavaScript enabled to view it. og gefa upp nafn, aldur, nafn forráðamans, og GSM. Mikilvægt er að hestarnir þoli klapp, músík og læti, öryggisins vegna. Æfingar byrja fljótlega.
Æskulýðsnefndin.
Skráning á námskeið á vegum æskulýðsnefndar er hafin á netinu og stendur til og með 15.janúar. Minnum einnig á skráninguna í kvöld hjá okkur í Harðarbóli milli kl.20 og 22. Kennsla á námskeiðunum hefst síðan í viku 5. Sjá nánari útskýringar á námskeiðum undir námskeið,skráning hér á harðarsíðunni.
Æskulýðsnefndin. 
Komið þið sæl og gleðilegt ár.
Æskulýðsnefndin stendur fyrir fjölmörgum námskeiðum í reiðmennsku í vetur fyrir börn og unglinga. Kennarar á námskeiðunum eru þau Reynir Örn Pálmason og Súsanna Ólafsdóttir sem bæði eru lærðir reiðkennarar frá Hólum og meðal okkar fremstu knapa.
Námskeiðin eru yfirleitt frá 6-10 tímar og er verðið það sama og í fyrra eða almenn reiðnámskeið á kr.8.000 knapamerki 1, kr.18.000, Knapamerki 2, kr.23.000, kanpamerki 3, á 23.000 og keppnisnámskeið á kr.30.000 en þar er smá hækkun. Skráning á námskeiðin verður á fimmtudaginn 7. janúar á milli kl.20 og 22 í Harðarbóli. Jafnframt verður hægt að skrá sig á heimasíðunni. Námskeiðin hefjast í lok janúar.
Æskuýðsnefndin. :)
Búið er að birta ráslista fyrir Íslandmót barna, unglinga og ungmenna hér á vefnum á leitarstikunni hér til vinstri undir Íslandsmót.
Slóðin er: http://www.hordur.is/index.php?option=com_content&task=view&id=974&Itemid=141
Hæ öll.
Nú hefur verið ákveðið að uppskeruhátíðin okkar verði hluti af hátíðardagskrá vegna vígslu reiðhallarinnar. Þið eruð því öll hvött til að mæta og njóta dagsinns. Það verður margt til skemmtunar auk veitinga og veittar verða viðurkenningar fyrir bestan árangur í öllum flokkum í keppni á árinu auk viðurkenninga fyrir knapamerkin. Dagskráin hefst kl 16 á laugardaginn.
Kv Æskulýðsnefndin
Minnum á að lokafrestur hestamannafélaga til að skila inn skráningum á íslandsmóti yngri flokka rennur út á miðnætti í kvöld 15. júní 2009.
Hvert hestmannafélag fyrir sig sér um skráningu og óskum við eftir því að hvert félag skrái sína þátttakendur í Sportfeng mótanúmerið er IS2009HORO57.
Skráningargjöld eru 3.500 kr.- á grein.
Skráningargjöld á að leggja inn á reikning 549-26-2320. KT 650169-4259 í einni greiðslu.
Skýrslur æskulýðsnefndar Harðar
