- Nánar
-
Skrifað þann Miðvikudagur, nóvember 29 2017 17:46
-
Skrifað af Sonja
Aðalfundur Harðar var haldinn 22. nóv sl.
Á dagskrá voru venjuleg aðalfundarstörf. Ársreikningur og skýrsla stjórnar verða birt á heimasíðu félagsins.
Stjórnin hefur skipt með sér verkum en í stjórn sitja:
Hákon Hákonarson formaður,
Anna Lísa Guðmundsdóttir,
Erna Arnardóttir ritari,
Gígja Magnúsdóttir,
Gunnar Valsson,
Haukur Níelsson,
Kristinn Már Sveinsson,
Ragnhildur Traustadóttir gjaldkeri og
Rúnar Guðbrandsson.
- Nánar
-
Skrifað þann Þriðjudagur, nóvember 07 2017 10:08
-
Skrifað af Sonja
Hestakvennafélagið Djásnin
í samstarfi við hestamannafélagið Hörð kynna:
Reiðmennska er ekki geimvísindi!
Benedikt Líndal tamningameistari FT verður með fyrirlestur og svo sýningu í reiðhöll Harðar í Mosfellsbæ, laugardaginn 18. nóvember klukkan 16:00.
Aðgangseyrir er 1500, frítt fyrir 12 ára og yngri. Boðið verður upp á kaffi.
Erum við að flækja hlutina of mikið? Benedikt ætlar að segja og sýna okkur hvernig við getum komist í samband við léttleikann og ánægjuna í hestamennskunni og hvaða leiðir hægt er að fara að því markmiði. Hann verður með hross á ýmsum stigum þjálfunar, ólíkar hestgerðir og sýnir í raun hvað rétt uppbygging og einföld nálgun getur skipt miklu máli.
Benedikt Líndal er hestamönnum af góðu kunnur, tamningameistari FT og hefur lagt stund á kennslu, þjálfun og tamningar bæði hérlendis og erlendis við góðan orðstýr í áratugi. Hann hefur gefið út fræðsluefni og hannað reiðtygi svo eitthvað sé nefnt. Þess má geta að til stendur að Benedikt verði með reiðkennslu í vetur hjá Herði.