Riðið verður frá Skógarhólum í Hörð, fararstjóri er LILLA okkar, sem stýrði okkur svo frábærlega í fyrra. Konur geta komið inn í ferðina t.d. í Kjósaskarði eða í Stardal sem ekki treysta sér eða vilja ríða alla leiðina. Þær sem fara alla leið þurfa 2 vel þjálfaða hesta hver, ferðin er 39.5 km. Innifalið í ferðinni er kjarngóður morðunverður, allt nesti til ferðinar, hressing í Kjós og glæsilegur kvöldverður í ferðarlok að hætti hinnar einu sönnu Gunnu í Dalsgarði.

Harðarmenn fjölmenna til messu í Mosfellskirkju

sunnudaginn 19 maí.  

Lagt af stað frá Naflanum kl. 13.00. Messan hefst kl. 14.00

Eftir messu er kaffi í félagsheimili Harðar í boði félagsins.

Ferðanefndin

Von er á meiri áburði sem verður afhentur nýjan á fimmtudag (uppstigningardag) frá kl.: 10:00 til kl.: 12:30 í reiðhöllinni.

Áburðurinn er afhentur í litlum pokum en horfið hefur verið frá því að hver og einn moki í sína poka heldur munu tveir eða jafnvel fjórir þrælar sem beitarnefnd tókst að útvega sjá um moksturinn. Eina sem menn þurfa að gera er að bera pokana út í bíl og koma honum á sinn stað.

Kæru Harðarfélagar nú líður að kirkjukaffinu, okkur vantar kökur, brauð og þessháttar á kökuhlaðborðið. Tekið verður á móti bakkelsinu milli 11:00 og 12:30 í Harðarbóli. Hvetjum við alla félaga til að koma með eitthvað gómsætt eins og vanalega. Hittumst svo hress og kát.

Stjórn kvennadeildarinnar. 

Þá er loksins komið að því, Langbrókarmótið 2012, skemmtimót kvennadeildarinnar, sem allar hafa beðið eftir verður haldið með pompi og prakt næstkomandi föstudag þann 18. maí! Það passar akkúrat að síðustu leifar marbletta eru sagðir horfnir eftir síðasta Langbrókarfjör (við nefnum engin nöfn) og því tímabært að fara að huga að einhverri gleði. Nú er stefnt að því að sleppa marblettakaflanum og því er dagskráin með eftirfarandi hætti:

1. Hittumst í Naflanum klukkan 18:30

2. Förum ríðandi upp í Varmadal til snillingshjónanna Nonna og Haddýar - þokki og glæsibragur mun einkenna hópinn (enda Helena Kristins með í för)

3. Fordrykkur í  Varmadal

4. Langbrókarmótið formlega sett - laufléttar þrautir með megin áherslu á þokka og gleði - stefnt er á marblettalaust mót!

5. Boðið er uppá kjúklingasalat og létta drykki í hesthúsinu

6. Riðið heim (og enn er stefnt að þokka og gleði)

7. Móti formlega slitið - alls óvíst með hvenær (en hverjum er ekki sama!)

Þema mótsins er fjólublátt fyrir allan peninginn!!!!

Skráning fer fram á Feisbúkk eða senda póst á Þetta netfang er varið fyrir ruslrafpósti, þú þarft að hafa Javascript virkt til að skoða það

Kvennadeild Harðar

Áburður á beitarhólfin verður afhentur í dag mánudaginn 14. maí frá kl. 18:00 til kl. 21:00 í reiðhöllinni. Aðeins hluti áburðar er kominn og verður annar afhendingardagur síðar í vikunni auglýstur, þegar ljóst er hvenær hann kemur. Sú breyting er nú á að áburðurinn er keyptur í stórum sekkjum og þurfa leigjendur beitarhólfanna því að ausa sjálfir í poka sem félagið leggur til. Er þetta gert til mæta þeirri miklu hækkun sem orðið hefur á áburði síðustu ár og einnig hitt að ekki er hægt að fá viðeigandi áburðartegund fyrir beitiland í litlum pokum. Minnum á að aðeins skuldlausir félagar fá úthlutað hólfum. Beitargjaldið verður innheimt í heimabanka fljótlega og þarf því ekki að vera greitt fyrir hólfin við móttöku áburðar.

Beitarnefndin

Niðurstöður frá Föstudegi.