HELDRI HESTAMNENN HITTAST!!!
- Nánar
- Skrifað þann Miðvikudagur, apríl 27 2016 12:31
- Skrifað af Jóna Dís Bragadóttir
Þann 5. maí verður útimót Hrímnis haldið kl 16 á Varmárbökkum í Mosfellsbænum. Keppt verður í 4-gangi, 5-gangi, tölti T3 og 100m flugskeiði. Að þessu sinna er skráningargjaldið einungis 2.000kr í alla flokka nema skeiðið þar er það 1.500kr. Þau skráningagjöld sem koma inn í skeiðinu skiptast niður á fyrstu þrjú verðlaunasætin. Þetta mót er því tilvalið upphitunarmót fyrir sumarið.
Sl. fimmtudag var gæðingadómaraprófið haldið í Hafnarfirði, þar áttum við tvo nýja fulltrúa það voru þær Súsanna Katarína Sand Guðmundsdóttir og Ólöf Guðmundsdóttir. Nú eftir helgi fengu þær fréttir um að þær hafi náð prófinu og óskum við þeim innilega til hamingju með þennan áfanga. Einnig fór Súsanna Sand Ólafsdóttir í landsdómarapróf á náði því með stakri prýði og óskum við henni einnig innilega til hamingju með sinn áfanga.
Fyrir dyrum standa breytingar á fyrirkomulagi á vörslu vegna lausra hrossa í
umdæmi Mosfellsbæjar. Hestamannafélagið Hörður mun koma að því á
ársgrundvelli og sjá að miklu leiti um verkefnið.
Hingað til hefur félagið séð um vaktir og handsömun lausra hrossa frá 10. Júní
til 10. September ár hvert frá klukkan 17:00 til 8:00 á virkum dögum og alfarið
um helgar. Þá hefur félagið séð um geymslu handsamaðra hrossa allt árið. En nú
horfir sem sagt í að breyting verði á og félagið yfirtaki þetta verkefni að
stærstum hluta. Fram til þessa hafa starfsmenn áhaldahúss Mosfellsbæjar séð um
það að undanskildum þeim tíma sem að ofan greinir.
Tveir fundir hafa verið haldnir með fulltrúum Harðar og starfsmönnum
Mosfellsbæjar um málið og kom þar fram að hestamannafélagið myndi finna
rekstraform á þessa starfsemi/verkefni. Sú hugmynd hefur orðið ofan á að leita
til félagsmanna sem eiga flutningstæki þ.e. bíl og kerru og myndu þeir aðilar sjá
um handsömun hrossanna og koma þeim á geymslustað hverju sinni. Um yrði að
ræða fulla greiðslu fyrir viðvikið en hluti handsömunargjaldsins rynni í
sérstakan rekstrarsjóð til reksturs starfseminnar.
Er hér með óskað eftir að þeir sem reiðbúnir eru til þátttöku í þessu verkefni gefi
sig fram við beitarnefnd á netfanginu vakri hjá símnet.is eða í síma 896 6753.
Nú þegar hefur verið leitað til nokkurra félagsmanna og hafa undirtektir verið
mjög góðar. Menn almennt tilbúnir að axla þessa ábyrgð sem á okkur hefur
verið sett.
Í tengslum við þessar breytingar stefnir í að lausnargjald fyrir handtekin hross
hækki verulega og geymslugjald sömuleiðis. Lausnargjaldið er í dag kr. 15.000
og geymslugjald kr. 1.500 á dag. Reikna má með að gjaldskráin verði hækkuð
um allt að 100% og því ljóst að mikill fjárhagslegur ávinningur sé fyrir
hestaeigendur að hafa girðingar í góðu lagi og tryggja sem best að hross haldist
örugglega innan girðinga eða hesthúsa. Og svo ekki sé nú talað um öryggisins
vegna.
Beitarnefnd