- Nánar
-
Skrifað þann Mánudagur, júní 08 2015 21:55
-
Skrifað af Oddrún Ýr Sigurðardóttir
Eins flestum mun kunnugt er 10. júní hinn formlegi sleppingardagur í beitarhólf sem félagið leigir út. En nú hefur verið
ákveðið að fresta sleppingu til n.k. helgar vegna kuldatíðar og lítillar grassprettu af þeim sökum. Geta menn því sleppt
hrossunum næstkomandi laugardag.
Á það skal bent að hólfin eru misjafnlega vel á veg komin í sprettu og því er eindregið mælt með því að þar sem lítið gras
er komið skuli höfð heyrúlla eða baggi til að létta á beitinni fyrstu daga eftir sleppingu. Það er vel þekkt staðreynd að þegar
hrossum er sleppt á graslítil hólf ná þau oft ekki að spretta og verður uppskeran því mun lakari en ella.
Beitarnefnd
- Nánar
-
Skrifað þann Mánudagur, júní 08 2015 10:56
-
Skrifað af Jóna Dís Bragadóttir
Hæ hæ við ætlum að ljúka vetrinum á því að fara mánudaginn 8. júní í reiðtúr og grilla eða allavega borða eitthvað saman ( fer eftir veðri) uppí Harðarbóli. Allir hittast uppí reiðhöll kl 18:00 og þaðan förum við Blikastaða hring, göngum frá hestum og komum svo og hittumst uppí Harðarbóli. Ef einhverjir treysta sér ekki eða eru búnir að sleppa hrossum þá er um að gera og mæta bara í grillið kl: 19:00
Hlökkum til að hitta ykkur og hvetjum öll börn, unglinga,ungmenni og reiðkennara okkar til að mæta og ljúka vetrinum með okkur kveðja æskulýðsnefndin