Stjórn Harðar óskar öllum félagsmönnum gleðilegs árs, þökkum fyrir gott samstarf á liðnu ári og hlökkum til starfsins á því nýja.
Við minnum á að þrettándabrennan með tilheyrandi flugeldasýningu í Mosfellsbæ verður á sunnudagskvöld. Þá er nauðsynlegt að hafa auga með hestunum, hafa kveikt ljós í hesthúsunum og útvarp í gangi.
Stjónin
Af gefnu tilefni viljum við leiðrétta þann misskilning sem virðist í gangi að nóg sé að hafa einn reiðhallarlykil hangandi í hesthúsinu sem allir geta notað. Ef þetta væri svona þyrfti hver lykill að kosta 50.000.- krónur til að dæmið gengi upp í stað 4.000.- króna í dag. Reglurnar eru því þessar: Til að fara inn í reiðhöllina með hest þarft þú að stimpla þig inn með lykli sem er skráður á þína kennitölu. Hurðin opnast þá sjálfkrafa. Ef hurðin er opin þarft þú engu að síður að stimpla þig inn. Þú mátt ekki ganga inn með öðrum nema að stimpla þig inn. Þetta er mjög mikilvægt til að við getum fylgst með og fáum marktæka mælingu á notkun reiðhallarinnar. Lykklar kosta 4.000.- kr. og fást hjá Guðmundi Björgvinssyni (Gummi B, Makkerinn) sími 856 5505. Hann er yfirleitt við í reiðhöllinni eftir kl. 17.00 á daginn.Þetta er reiðhöll okkar Harðarmanna og við gerum þá kröfu á okkur sjálf að við göngum vel og heiðarlega um hana. Ef lykill er lánaður eða misnotaður á annan hátt verður honum lokað án frekari viðvörunar. Við minnum á að reiðhöllin er vöktuð með öryggismyndavélum.
Reiðhallarnefnd
Góði hirðirinn er eins og allir þekkja góðgerðarstarfsemi á vegum Sorpu þar sem nýtanlegum hlutum sem hefur verið hent er haldið til haga og seldir. Ágóðanum af þessu er síðan deilt út til góðgerðarmála einu sinni til tvisvar á ári. Í ár vorru það Hjálparstarf Kirkunnar,Hjálpræðisherinn, Mæðrastyrksnefnd, Rauði krossinn, Bandalag kvenna, Hringsjá, Umhyggja, Stígamót og Hestamannafélagið Hörður sem hlutu styrki. Við erum, skiljanlega, stoltari en orð fá lýst að vera í þessum hópi. Styrkurinn var veittur til að við getum látið sérsmíða tvo hnakka fyrir fatlaða, en við stofnuðum fræðslunefnd fatlaðra hér í Herði á haustdögum. Ég fór ásamt Auði, formanni fræðslunefndar fatlaðra til að taka á móti styrknum í morgun og Auður pantaði hnakkana í kjölfarið. Verið er að sérvelja 4 til 5 hesta í verkefnið og verða þeir væntanlega komnir á hús í janúar. Hugmyndin er sú að fá fyrirtæki eða einstaklinga til að taka að sér uppihaldið á einum hesti hvert, en nú þegar hefur einn aðili tekið að sér einn hest. Okkur vantar því enn styrkaraðila til að greiða fyrir uppihald 3. til 4. hesta, en þar til það er í höfn leysum við málið á annan hátt, þrengjum að okkur í eigin húsum og dreifum hestunum á milli okkar ef ekki annað.
Sem sagt, því langþráða markmiði okkar að þjálfun fatlaðra geti hafist hér í Herði er náð og fer í gang af fullum krafti eftir áramótin.
Kveðja Guðjón
Við eigum að tilnefna einstaklinga til íþróttamanns og íþróttakonu Mosfellsbæjar árið 2010. Hörður hefur unnið þennan titil í tvö skipti á síðastliðnum 4 árum, Lindu Rún Pétursdóttur í fyrra og Halldór Guðjónsson fyrir þrem árum síðan. Það er á ábyrgð formanns félagsins að tilnefna þessa aðila og óska ég hér með eftir ábendingum og upplýsingum um móta og keppnisárangur þeirra sem þið teljið að komi til greina á This email address is being protected from spambots. You need JavaScript enabled to view it. fyrir 30. janúar. Aðilar þurfa að hafa skarað fram úr í íþróttinni á einhvern hátt.
Kveðja Guðjón formaður
Áætlað er að Hestadagar í Reykjavík verði haldnir daganna 31. mars til 2. apríl 2011. Þetta er í fyrsta skiptið sem þessir dagar eru haldnir og er hér um að ræða spennandi tímamóta verkefni í samstarfi Reykjavíkur og hestamannafélaga á höfuðborgarsvæðinu. Hörður tekur þátt í þessu ásamt öðrum hestamannafélögum á höfuðborgarsvæðinu. Í fyrstu koma Gyða Á. Helgadóttir og Reynir Örn Pálmason að þessu með mér, en þegar nær dregur þurfa nær allar nefndir félagsins að koma að málinu.
Uppsetning viðburðar er hugsaður á þessa leið
Á mánudegi til fimmtudags eru hestamannafélögin ásamt ræktunarbúum í kringum höfuðborgina með opin hús og litla viðburði sem auglýstir eru á vefsíðu Hestadaga í Reykjavík. Helgina á undan er Orrasýning sem án efa mun draga til sín töluvert af erlendum ferðamönnum enda stóðhesturinn Orri frá Þúfu goðsögn í huga flestra þeirra sem stunda íslandhestamennsku en það eru ca 130.000 manns í heiminum. Spurning hvort að markaðssetning á báðum viðburðum myndi fá fólk til þess að dvelja lengur á Íslandi?
Á föstudeginum 1.
apríl er stórsýning í Laugardalshöll þar sem ljós, tónlist og samspil
manna og hesta eru í fyrirrúmi.
Fundargerð aðalfundar sem fram fór 25. nóvember sl er nú komin á vefinn. Hún er vistuð með öðrum aðalfundargerðum á leitarstikunni hér að ofan undir Stjórn/Aðalfundir.
Öllum Harðarfélögum býðst nú að koma og æfa Hjá Eldingu, líkamsræktarstöð þeirra Hjalta og Höllu í íþróttahúsinu á sérstöku samningsverði eða 18.000.- kr. á ári. Nú er engin afsökun lengur, því einfaldara getur þetta ekki verið. Bara mæta, borga þetta tombólugjald og byrja að æfa. Við Anna höfum æft þarna í nokkur ár og mælum með aðstöðunni, þetta er heimilisleg stöð, án nokurra fordóma eða tilgerðar þar sem hver púlar á sinn hátt. Hér æfa einnig aðrir Harðarfélagar nú þegar svo þið verðið ekki eina hestafólkið á staðnum.
Kveðja Guðjón
Mest lesna fréttin á www.vb.is
