Fréttir

Reiðhöllin mikið kennsluálag

Nánar: Flokkur: Stjórnin; Skrifað þann Fimmtudagur, febrúar 10 2011 09:27; Skrifað af Super User

Gríðarlegt álag er nú á reiðhöllinni vegna mikillar kennslu og fjölgugnar námskeiða, bæði hjá börnum og fullorðnum. Þrátt fyrir það höfum við lagt áherslu á að helmingur reiðhallarinnar sé alltaf laus fyrir þá sem vilja mæta og vinna með sinn hest einir. Þetta hefur kallað á mikla og erfiða samræmingu hjá þeim sem standa fyrir námskeiðahaldi á vegum félagsins, eða æskulýðsnefnd, fræðslunefnd og fræðslunefnd fatlaðra. þegar loksins var búið að koma dagskránni nokkurn vegin saman var einn kennslutími óleystur. Það var því ákveðið að brjóta megin regluna og setja tímann í fremri hluta reiðhallarinnar á miðvikudögum frá kl. 16.00 til 17.00. og þar með loka á aðra notkun þennan klukkutíma í viku. Ég veit að það er fullur skilningur á þessu hjá ykkur kæru félagsmenn, en það fórst fyrir að auglýsa þetta og kynna sem leiddi til leiðindar uppákomu í reiðhöllinni þegar reiðkennari þurfti að vísa félagsmönnum frá á þessum tíma. Ég bið hlutaðeigandi afsökunar á þessari yfirsjón sem ég tek að fullu á mig og vona að allir geti notið reiðhallarinnar sem mest, en þenna klukkutíma í viku þurfum við að víkja fyrir æskulýðsstarfinu á meðan þetta tiltekna námskeið er í gangi.

Guðjón formaður

Frosnar heimæðar

Nánar: Flokkur: Stjórnin; Skrifað þann Miðvikudagur, janúar 19 2011 10:31; Skrifað af Super User

Mosfellsbær bað okkur að koma því á framfæri við hesthúseigendur að þeir gæti að því að vatnsinntökin í hesthúsin séu frostvarin með einangrun og hitaþræði ef á þarf að halda. Í frostinu um daginn fraus í tveim leiðslum og flæddi inn í hesthús af þeim sökum.

Smalamót Harðar

Nánar: Flokkur: Stjórnin; Skrifað þann Mánudagur, janúar 31 2011 12:52; Skrifað af Super User

Laugardaginn 5. Febrúar kl. 13.00 verður smalamót Harðar haldið í Harðarreiðhöllinni. Þetta verður stórhátíð, enda mótið einstaklega skemmtilegt og áhorfendavænt. Í stuttu máli fer það þannig fram að sett verður upp þrautabraut í reiðhöllinni og sá sem ríður hana hraðast vinnur. Refsistig eru gefin ef hlutar brautarinnar eru felldir. Þetta er góðgerðarmót og rennur öll innkoman til krabbameinssjúkra barna. Það eru þær Súsanna Katarína og Harpa Sigríður sem eiga hugmyndina að mótinu, stilla því upp og smíða verðlaunagripi. Öll vinna við mótið verður í sjálfboðavinnu. Við kvetjum alla Mosfellinga til að mæta í reiðhöllina þennan dag, horfa á frábæra skemmtun og styrkja gott málefni.

Þorrablót Harðar

Nánar: Flokkur: Stjórnin; Skrifað þann Miðvikudagur, janúar 12 2011 00:05; Skrifað af Super User

Þorrablót Harðar verður haldið í Hiarðarbóli laugardaginn 22.janúar. Reiknað er með að gestir mæti beint af hestbaki um kl. 17.00, í reiðfötum eða kúrekaátfitti. Fjöldasöngur undir borðum. Miðaverði haldi í lágmarki og dagskráin með svipuðu sniði og í fyrra (dans og fjör fram eftir kvöldi) Húsið tekur aðeins um 80 manns svo ekki draga lengi að taka frá miða. Miðapantanir eru hjá Makkernum Gumma B. í síma 8565505

Skiptinemar til Íslands á vegum AFS

Nánar: Flokkur: Stjórnin; Skrifað þann Miðvikudagur, janúar 19 2011 10:39; Skrifað af Super User

AFS skiptinema samtökin höfðu samband og báðu okkur að kynna starfsemina þar sem óvenju margir erlendir krakkar hafa óskað eftir að komast á heimili hjá hestafjölskyldum.

Opnaðu heimili þitt og taktu á móti skiptinema AFS!

AFS eru alþjóðleg fræðslusamtök sem starfa í öllum heimsálfum. Aðalviðfangsefni samtakanna hér á landi er nemendaskipti unglinga á aldrinum 15-18 ára. Samtökin eru óháð stjórnmálaflokkum og trúfélögum

Nánar...

Hestar fyrir kennslu fatlaðra

Nánar: Flokkur: Stjórnin; Skrifað þann Mánudagur, janúar 10 2011 14:23; Skrifað af Super User

Búið er að leysa hestaþörfina fyrir kennslu og þjálfun fatlaðra, en það tókst á þann hátt að fyrirtækið Hestmennt ehf, sem er í eigu þeirra Beggu og Tótu leggur til 3 hesta sem henta í starfið auk þess að þær leggja til húsnæðið fyrir þá fram á vor. Hestalist ehf gefur spón undir hestana og Bessi heysali gefur hey fyrir hestana fram á vor. Við þökkum þeim kærlega fyrir þetta rausnalega framlag til málefnisins, en með því eru mest aðkallandi málin leyst og ekkert því til fyrirstöðu að við getum hafið kennslu og þjálfun fyrir fatlaða hér í Herði í byrjun febrúar og verða þau námskeið aulýst ásamt öðrum námskeiðum fljótlega.

Svona hefst þetta allt þegar allir leggjast á eitt !

Fleiri greinar...

Undirflokkar

Síða 248 af 295

Formannsfrúarreið Harðarkvenna

Lausaganga hunda í hesthúsahverfinu

Spennandi hestadagar framundan

Bikarkeppni hestamannafélganna á höfuborgasvæðinu