Fréttir

Aðventukvöld 60 plús

Nánar: Flokkur: Fréttir; Skrifað þann Fimmtudagur, nóvember 23 2023 09:18; Skrifað af Sonja

🌲🎄🌲

Hestamenn í Herði
60+
Aðventukvöld í Harðarbóli
fimmtudaginn 14. desember 2023.
Dagskrá og tilhögun tikynnt þegar nær dregur.
Takið daginn frá.
Með góðum kveðjum og tilhlökkun
nefndin.

ÞRAUTABRAUT Í REIÐHÖLLINNI

Nánar: Flokkur: Fréttir; Skrifað þann Föstudagur, nóvember 17 2023 12:54; Skrifað af Sonja

Á sunnudaginn er námskeið hjá æskulýðsnefndinni frá 11-1315 með þrautabraut.

Eftir það er OPIÐ ÖLLUM að leika sér þar - brautin verður opið allan daginn fram að kvöldið

Njótið !!!

Framundan í Æskulýðsnefndinni

Nánar: Flokkur: Fréttir; Skrifað þann Þriðjudagur, nóvember 14 2023 12:38; Skrifað af Sonja

Góðan dag

Uppskerahátíð er enn með óákveðin dagsetningu þar sem við biðum enn eftir Knapamerkjaskjölum frá Hólum.

Haustþjálfun Harðarkrakkar - námskeið fer af stað í 2.umferð 22.nov og skráninginn er opin hér.

19.11. sunnudagur - Þrautabrautkennslu með Thelmu Rut

3.12. sunnudagur - Hindrunarstökk með Nathalie Moser

10.12. sunnudagur - Heimsókn til Benedikt Ólafsson - Heimsmeistari í Ólafshaga í Mosfellsdalnum

17.12. Þrif á reiðtygi - mikilvægt umhirðu hnakka og beisla - með Nathalie Moser

Það er fullt af fleirum skemmtilegum viðburðum í vinnslu!

Endilega skrá ykkur - ef þið eru ekki með hest á húsi ennþá - þá má heyra í Sonju í Hestasnilld 8659651.

Bestu kveðjur
Sonja Noack

Yfirreiðkennari Harðar

Aðalfundur 29.nov 2023 kl 20:00

Nánar: Flokkur: Fréttir; Skrifað þann Þriðjudagur, nóvember 14 2023 12:06; Skrifað af Sonja

Aðalfundur Harðar - 29.nov kl 20:00

Boðað er að nýju til aðalfundar hestamannafélagsins Harðar þar sem áður boðaður og haldinn fundur var ekki lögmætur. Nýr fundur verður haldinn miðvikudaginn 29. nóvember klukkan 20.00 í Harðarbóli.

Félagsmenn eru hvattir til þess að mæta.

Á dagskrá eru venjuleg aðalfundarstörf samkvæmt 5. gr félagsins.

Dagskrá aðalfundar skal vera:

Formaður setur fund og tilnefnir fundarstjóra og fundarritara

Formaður flytur skýrslu stjórnar

Gjaldkeri skýrir reikninga félagsins og kynnir 9 mán. Milliuppgjör

Umræður um skýrslu stjórnar og reikninga félagsins

Reikningar bornir undir atkvæði

Fjárhagsáætlun næsta árs og umræður

Árgjald ákveðið

Lagabreytingar

Kosningar samkvæmt 6. grein þessara laga

Önnur mál

Fundarslit

Fyrir fundinum liggja 4 lagabreytingar:

4.grein

Stjórn félagsins boðar félagsfund eins oft og þurfa þykir. Sama er, ef minnst 1/10 hluti félagsmanna sem atkvæðisrétt hafa á fundum félagsins samkvæmt 3. gr. æskja þess skriflega og tilgreina fundarefni. Félagsfundir skulu boðaðir með þriggja daga fyrirvara með tilkynningu á heimasíðu félagsins og með opinberri auglýsingu eða tölvupósti til félagsmanna.

Fundur er lögmætur, ef löglega er til hans boðað og minnst 1/10 hluti félagsmannasem atkvæðisrétt hafa á fundum félagsinssamkvæmt 3. gr sitja hann. Afl atkvæða skal ráða úrslitum allra mála á fundum félagsins nema öðruvísi sé ákveðið í lögum þessum. Sé fundur ekki lögmætur, má boða til hans að nýju á venjulegan hátt og er hann þá lögmætur án tillit til þess, hversu margir eru mættir.

Formaður eða staðgengill hans setur fundi og lætur kjósa fundarstjóra í byrjun fundarins. Hinn kjörni fundarstjóri úrskurðar í byrjun fundarins, hvort löglega hafi verið til hans boðað og hvort hann sé lögmætur, m.a. með því að upplýsa um fjölda atkvæðisbærra félagsmanna sem mættir eru á fundinum.

4. grein verði:

Stjórn félagsins boðar félagsfund eins oft og þurfa þykir. Sama er, ef minnst 25 félagsmenn sem atkvæðisrétt hafa á fundum félagsins samkvæmt 3. gr. æskja þess skriflega og tilgreina fundarefni. Félagsfundir skulu boðaðir með þriggja daga fyrirvara með tilkynningu á heimasíðu félagsins og með opinberri auglýsingu eða tölvupósti til félagsmanna.

Fundur er lögmætur, ef löglega er til hans boðað og minnst 25 félagsmenn sem atkvæðisrétt hafa á fundum félagsinssamkvæmt 3. gr sitja hann. Afl atkvæða skal ráða úrslitum allra mála á fundum félagsins nema öðruvísi sé ákveðið í lögum þessum. Sé fundur ekki lögmætur, má boða til hans að nýju á venjulegan hátt og er hann þá lögmætur án tillit til þess, hversu margir eru mættir.

5. grein

Aðalfund skal halda eigi síðar en fyrir lok október ár hvert. Aðalfundur fer með æðsta vald í málefnum félagsins. Reikningsár félagsins er almanaksárið. Til aðalfundar skal boðað samkvæmt ákvæðum 4. gr., en þó með minnst fjórtán daga fyrirvara. Séu lagabreytingar fyrirhugaðar skal þess getið í fundarboði og jafnframt skal gert grein fyrir því hvaða tillögur eru gerðar um breytingar á lögum félagsins.

Dagskrá aðalfundar skal vera:

a) Formaður setur fund og tilnefnir fundarstjóra og fundarritara.

b) Formaður flytur skýrslu stjórnar.

c) Gjaldkeri skýrir reikninga félagsins og kynnir 9 mán. milliuppgjör.

d) Umræður um skýrslu stjórnar og reikninga félagsins.

e) Reikningar bornir undir atkvæði.

f) Fjárhagsáætlun næsta árs og umræður.

g) Árgjald ákveðið.

h) Lagabreytingar.

i) Kosningar samkvæmt 6. grein þessara laga.

j) Önnur mál.

k) Fundarslit.

5. grein verði

Aðalfund skal halda eigi síðar en fyrir lok október ár hvert. Aðalfundur fer með æðsta vald í málefnum félagsins. Reikningsár félagsins er almanaksárið. Til aðalfundar skal boðað með minnst fjórtán daga fyrirvara. Sé löglega til hans boðað og minnst 25 atkvæðisbærir félagsmenn mættir, telst fundurinn löglegur. Séu lagabreytingar fyrirhugaðar skal þess getið í fundarboði og jafnframt skal gerð grein fyrir því hvaða tillögur eru gerðar um breytingar á lögum félagsins.

Dagskrá aðalfundar skal vera:

a) Formaður setur fund og tilnefnir fundarstjóra og fundarritara.

b) Formaður flytur skýrslu stjórnar.

c) Gjaldkeri skýrir reikninga félagsins og kynnir 9 mán. milliuppgjör.

d) Umræður um skýrslu stjórnar og reikninga félagsins.

e) Reikningar bornir undir atkvæði.

f) Fjárhagsáætlun næsta árs og umræður.

g) Árgjald ákveðið.

h) Lagabreytingar.

i) Kosningar samkvæmt 6. grein þessara laga.

j) Önnur mál.

k) Fundarslit.

6.grein

Stjórn félagsins skipa átta manns auk formanns. Stjórnin skiptir með sér verkum að undanskildum formanni, sem kosinn er beinni kosningu. Kosning stjórnar og formanns félagsins skal fara fram á aðalfundi félagsins samkvæmt eftirfarandi reglum:

Formaður skal kosinn til eins árs í senn og getur verið endurkjörinn alls þrisvar sinnum.

Átta meðstjórnendur skulu kosnir til tveggja ára þannig að fjórir stjórnarmenn gangi úr stjórn ár hvert. Þeir sem ganga úr stjórn með þessum hætti geta verið endurkjörnir.

Á aðalfundi skal kjósa tvo skoðunarmenn reikninga félagsins til eins árs í senn.

Þá skal og kjósa fulltrúa félagsins á ársþing og aðalfundi þeirra samtaka sem félagið á aðild að en formaður félagsins skal þó teljast vera sjálfkjörinn. Aðalfundur getur heimilað stjórn að tilnefna fulltrúa til setu á fundum þeim sem getið er hér að framan.

Einungis félagar eldri en átján ára eru kjörgengir í kosningum til stjórnar, formanns félagsins, til að vera skoðunarmenn ársreikninga og til að vera fulltrúar félagsins á ársþingum og aðalfundum þeirra samtaka sem félagið á aðild að.

6. grein verði:

Formaður skal kosinn til eins árs í senn og getur verið endurkjörinn alls þrisvar sinnum.

Átta meðstjórnendur skulu kosnir til tveggja ára þannig að fjórir stjórnarmenn gangi úr stjórn ár hvert. Þeir sem ganga úr stjórn með þessum hætti geta verið endurkjörnir.

Á aðalfundi skal kjósa tvo skoðunarmenn reikninga félagsins til eins árs í senn.

Þá skal og kjósa fulltrúa félagsins á ársþing og aðalfundi þeirra samtaka sem félagið á aðild að en formaður félagsins skal þó teljast vera sjálfkjörinn.Aðalfundur getur heimilað stjórn að tilnefna fulltrúa til setu á fundum þeim sem getið er hér að framan.

Framboð til kosninga á aðalfundi skulu berast stjórn minnst 7 dögum fyrir aðalfund.

11. grein

Lögum félagsins verður ekki breytt nema á aðalfundi, þar sem mættir eru minnst 1/10 (einntíundi hluti) félagsmanna sem atkvæðisrétt hafa á fundum félagsins samkvæmt 3. gr. og 2/3 (tveir þriðju hlutar) greiddra atkvæða samþykki breytinguna. Náist ekki tilskilinn fjöldi fundarmanna, skal boða til framhaldsfundar og öðlast þá tillaga um lagabreytingu gildi ef 2/3 hlutar fundarmanna greiða henni atkvæði sitt, án tillits til fundarsóknar.

11. grein verði:

Lögum félagsins verður ekki breytt nema á aðalfundi, þar sem mættir eru minnst 25 félagsmenn sem atkvæðisrétt hafa á fundum félagsins samkvæmt 3. gr. og 2/3 (tveir þriðju hlutar) greiddra atkvæða samþykki breytinguna. Náist ekki tilskilinn fjöldi fundarmanna, skal boða til framhaldsfundar og öðlast þá tillaga um lagabreytingu gildi ef 2/3 hlutar fundarmanna greiða henni atkvæði sitt, án tillits til fundarsóknar.

Ársskýrsla Mótanefnd 2023

Nánar: Flokkur: Fréttir; Skrifað þann Fimmtudagur, nóvember 09 2023 19:04; Skrifað af Sonja

Nefndin var vel mönnuð þetta árið líkt og áður

-Sigurður H. Örnólfsson (formaður)

-Ragnheiður Þorvaldsdóttir

- Kristinn Sveinsson

- Rakel Katrín Sigurhansdóttir

- Ásta Friðjónsdóttir

- Jón Geir Sigurbjörnsson

- Viktoría Von Ragnarsdóttir

- Halldór Stefánsson

- Kristján Arason

Keppnisárið 2023 fór kröftuglega á stað. Fjölmargir góðir styrktaraðilar komu að mótahaldinu og kunnum við þeim góðar þakkir.

Þrjú vetrarmót voru haldin.

Keppnisárið hófst á hinu sívinsæla Grímutölti sem nú í ár var styrkt af Fiskbúð Mosfellsbæjar líkt og árið áður. Líkt og fyrri ár var mikið kapp lagt á flotta búninga. Annað vetrarmótið var Fáka-Fars mótið og slógum við svo endapunktinn með Exporthesta mótinu líkt og fyrri ár var stigasöfnun yfir öll mótin.

Haldið var fyrsta gæðingalistar mótið í heiminum í reiðhöll Harðar var það í tengslum við samnefnt námskeið þar sem nemendur luku námskeiðinu með þátttöku í mótinu. Auk þess var mótið opið öllum. Var mótið haldið í samstarfi við landsamband hestamanna þar sem nýdómarar fengu að sitja og fylgjast með sér reyndari dómurum.

Haldið var skemmtimót -Esja spirits og Snæstaða var mótið mjög vel sótt af áhorfendum enda mikil gleði við völd.

Keppt var í

3-gang
Hraðasta fetinu
Lull – gang
Glasatölti
Tímataka í gegnum höllina á öllum gangi.

Tókst mótið vel og voru keppendur til mikillar fyrirmyndar.

Gæðingamótið var haldið í samstarfi við Hestamannafélagið Dreyra. Tókst mótahaldið vel og var ákveðið að ef tap yrði á mótahaldinu yrði því skipt milli félaganna lögðu Dreyra félagar fram vinnu við mótahaldið. Skráð voru 92 hross til keppni.

Íþróttamót Harðar

Á vordögum var haldið öflugt íþróttamót og voru skráningar um 260 talsins. Var mikil ánægja meðal þátttakenda og mættu margir feikna sterkir hestar.

Tölumót

Haldið var eitt tölumót var það vinsælt líkt og áður og voru skráningar 82 en tölumót eru haldin seinnipart dags svo rennslið er töluvert. Tilgangur þeirra er fyrst og fremst að gefa hestum og knöppum kost á að ná tölum inná Íslandsmót.

fyrir hönd mótanefndar

Sigurður Halldór Örnólfsson