STÆKKUN HARÐARBÓLS
- Nánar
- Flokkur: Fréttir
- Skrifað þann Miðvikudagur, ágúst 27 2014 17:13
- Skrifað af Jóna Dís Bragadóttir
Hestamannafélagið Hörður ætlar að ráðast í þá framkvæmd að stækka félagsheimilið Harðarból. Búið er að deiliskipuleggja svæðið og teikningar liggja fyrir. Framkvæmdir hefjast í byrjun september. Þegar er búið að safna töluverðri upphæð til verksins og búið er að fá tilboð í sem mest af efninu.
Félagsgjöldin verða EKKI notuð í framkvæmdirnar, heldur treyst á sjálfboðavinnu og fjárframlög.
Ætlunin er að gera viðbygginguna fokhelda fyrir hrossakjötveislu 8-villtra í lok október 2014.
Öll vinna við verkið verður unnin í sjálfboðavinnu. Við leitum því til ykkar,kæru félagar um aðstoð með hamra og sagir, þegar kallið kemur. Þetta eru nokkrar helgar í september og október gerum við ráð fyrir. Verkstjóri verður á staðnum og leiðbeinirfólki. Þáverður hópur sem sér um að vinnufólk fái að borða og drekka.
Við Harðarmenn erum löngu orðin landsþekkt fyrir samstöðu og samheldni.
Stækkunin á eftir að nýtast okkur Harðarfólki um ókomin ár.
Fyrir hönd byggingarnefndar Harðarbóls
Jóna Dís Bragadóttir
Formaður Hestamannafélagsins Harðar
